I shkaktuan Tiranës humbjen e parë, Deliallisi: Erzeni i sakrificave, nuk jemi inferiorë

Trajneri i Erzenit, Alfred Deliallisi foli pas fitores së të tijve 0-1 në kryeqytet me Tiranën. Për javën e pestë në Superligë, shijakasit iu falën golit të Maliqit për vendin e dytë në klasifikim.

"Tirana është një emër që të motivon. Komplimente lojtarëve për sakrificën, është e gjitha meritë e tyre. Sa e vështirë është të menaxhoj katër mbrojtës? Të katër mbrojtësat janë shumë të fortë, edhe pse ka vetëm dy vende. Formacioni fitues nuk mund të ndryshojë. Konkurenca është e fortë dhe konkurenca vetëm sa i zhvillon dhe i përmirëson. Lojtarët i kanë kryer detyrat deri në perfeksion. I kërkova që të kishin personalitet, nuk ka pse të ndihemi inferiorë", tha Deliallisi.

Lajmi kryesor:

VIDEO/ Erzeni 'del nga shtrati' dhe mposht Tiranën në 'Selman Stërmasi', Partizani fiton derbin me Dinamon

S.DH/Shqiptarja.com

TAG:
• superliga
• tirana
• Erzeni
• partizani
• Dinamo