Kakavijë-Një shtetas iranin i shpallur në kërkim ndërkombëtar është arrestuar në Kakavijë.
Mehran Kamolpour me origjinë iraniane dhe banues në Danimarkë, 52 vjeç, është dënuar me 2 vjet burgim, për veprën penale “Falsifikimi i dokumenteve”.
Njoftimi i policisë:
![](https://shqiptarja.com/template/img/NO_ALFA_Kuadrate shqiptarja.png)
Si rezultat i intensifikimit të kontrolleve dhe i shkëmbimit të informacionit mes Interpol Teheranit dhe Interpol Tiranës, Policia Kufitare kapi në hyrje të RSH-së, shtetasin iranian të shpallur në kërkim ndërkombëtar: Mehran Kamolpour 52 vjeç, lindur në Iran dhe banues në Danimarkë.
Në vijim të veprimeve procedurale, Seksioni për Hetimin e Krimeve Ekonomiko-Financiare i DVP Gjirokastër arrestoi me qëllim ekstradimi drejt Iranit, shtetasin Mehran Kamolpour të cilin Gjykata e Teheranit e ka dënuar me 2 vjet burgim, për veprën penale "Falsifikimi i dokumenteve".
Interpol Tirana po bashkëpunon me autoritetet iraniane, për ekstradimin e këtij shtetasi.
Materialet procedurale i kaluan Prokurorisë së Gjirokastrës, për veprime të mëtejshme.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)