I urti Gjeçov, 8 rrafshe studimi për
të zbuluar portretin e një dijetari

TIRANE- Gjeçovi nuk pati jetë më të gjate se sa tre vëllezërit Frashëri. Nëqoftëse ata “i hëngri” njëri pas tjetrit semundja e shekullit, tuberkulozi, Gjeçovin “e hëngri” plumbi  i shkaut me 14 tetor 1929, këtu në afersi të fshatit Zym. Gjeçovi sipas Faik Konicës ka qenë një nga njerëzit më të lartë që ka pasur Shqipëria”, dijetar si ai, ”një lartësi e përulur”, ”nje dituri pa tingull”, një mishërim i thjështësisë njerëzore, të gërshetuar me njeriun erudit. Periudha, kur ai një pjesë të diturisë së tij e shndërroi në vepra konkrete të shkruara është ajo, kur jetoi në Laç Sebaste të Kurbinit, qyteti Laç i sotëm dhe në fshatin Gomsiqe të Mirditës nga viti 1899-1914.