I veshur me rroba ushtarake, adoleshenti i armatosur hap zjarr në dy shkolla të Brazilit, vdesin tre persona, plagosen tetë të tjerë

Tre persona u vranë dhe të paktën tetë të tjerë u plagosën të premten kur një person i armatosur hapi zjarr në dy shkolla në shtetin brazilian të Espirito Santo, shkruan Reuters.

Zyrtarët thanë se një adoleshent i paidentifikuar me veshje ushtarake kishte hapur zjarr në dy shkolla, një private dhe një publike, dhe ende nuk është vënë në prangat e policisë.

Policia lokale tha se fillimisht dyshoi se sulmuesi ishte një prej nxënësve në një nga shkollat ​​e sulmuara, por kreu i sigurisë publike të Espirito Santo, u tha gazetarëve se një informacion i tillë ende nuk ishte konfirmuar. Zyra e Sigurisë Publike tha në një deklaratë se policia dhe punonjësit e shpëtimit po kujdeseshin për të plagosurit ndërsa po vazhdonin kërkimin për të qëlluarin.

Një person i plagosur u dërgua me helikopter në Serra, një qytet më i madh që ndodhet rreth 60 km në jug të Aracruz të Brazilit.

B.V/Shqiptarja.com

TAG:
• Brazil