POP 5

Lajmet më të lexuara të 5 minutave të fundit

Sociale

I vetmi fëmijë në shkollën e Vodicës, 2 biznesmenë ndihmë familjes në Kolonjë pas apelit në Report Tv! 8-vjeçari me prindërit sëmurë, i japin bagëti dhe ushqime

Historia e Thomait, vogëlushit nga Vodica e Kolonjës, i cili ka mbetur i vetmi fëmijë në shkollë preku zemrat e shqiptarëve dhe menjëherë kanë mbërritur ndihmat e para për të dhe për familjen që jeton në kushte të vështira

Historia e Thoma Qirjakos, vogëlushit nga Vodica e Kolonjës që ka mbetur i vetmi fëmijë në fshat preku zemrat e gjithë shqiptarëve kur u transmetua më 29 Mars në Report TV.  8-vjeçari jeton në kushte të vështira ekonomike e sociale, për të kujdesen gjyshërit, pasi nënën e ka sëmurë, ndërsa babai punon çoban në male, larg shtëpisë. Apelit të gjyshit për ndihmë iu përgjigjen menjëherë Fatmir Xhaferi dhe Kujtim Kale.

Dy sipërmarrësit nga qyteti i Tiranës udhëtuan për më shumë se 200 km drejt Vodicës së Kolonjës, për ti dhuruar familjes Qirjako ndihma ushqimore, pajisje elektroshtëpiake dhe tufën me bagëti të imta që gjyshi Thoma Qirjako e kërkoi live në emisionin “Pa Gjurmë”. Për Fatmir Xhaferin rasti ishte tepër prekës ndaj u sensiblizua për të ndihmuar bashkë me mikun e tij Kujtim Kale.

“Po ndiqja kronikën në TV tuaj dhe më erdhi shumë keq për gjendjen e vështirë. Bashkë me një mikun tim vendosëm të blejmë pajisje televizor, frigorifer e pajisje të tjera, ushqime dhe tufën e bagëtive që babai i djalit të vijë të punojë këtu fshat, të rrisë fëmijën dhe të mos jetë argat diku tjetër”, tha biznesmeni.

Gjyshi Thoma Qirjako shprehet shumë mirënjohës për ndihmat dhe gjithashtu falenderon Report TV: “Ju falenderoj ju dhe bamirësve. Jam shumë shumë borxhli”.

I vogli, Thoma Qirjako, që mban emrin e gjyshit të tij është i vetmi fëmijë i fshatit Vodicë, prekur rëndë nga shpopullimi.

Ai mëson i vetëm në shkollën e fshatit, ku s’ka mbetur asnjë fëmijë, ndërsa përpos mësuesit “hero” Kastriot Aliko nevojitet edhe një psikolog për trajtimin e 8-vjeçarit, shërbimin të cilin e ka premtuar spitali i Kolonjës.   

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bukur: 13/04/2023 18:49

    Ja mbaroi dhe ky hall. Dy dele 500 pare dhe se fshati eshte shpopulluar nuk ka me problem. Qe ai mësuesi ecte me.orente terea per ate femije, qe ne ate fshat la vdekur shpresa si ne shume fshatra e qytete shqiptare nuk ka problem,të na rroje komandanti pa populli këtë kokë ka, kështu e meritojme

    Përgjigju
  • Iris: 13/04/2023 02:26

    Te mos e kishit permendur tufen e bagetive,hajdutet gjithe veshe jane e shpresoj te mos ua vjedhin, se keto jane zona te largeta e te izoluara.Tani i takon bashkise Kolonje t'i bleje nje biciklete ose motor mesuesit qe ben 3 ore rruge ne kembe per kete nxenes.

    Përgjigju
  • Genci: 12/04/2023 18:57

    Po Eljo dhe Ergi binjaket nga Tirana qe dhuruan 2 mij € ja dhate Thomait te vogel

    Përgjigju
  • Askushi: 12/04/2023 18:51

    Me sa di une jane edhe dy cuna binjak Eljo @ Ergi nga Tirana qe kan kontribuar 2 mij € por nuk ju permend Emri !!!!

    Përgjigju
  • altini: 12/04/2023 18:05

    keto jan lajme qe duhet te degjihen nje bravo te madhe 2 biznesmeneve qe kan dhurur nje jete me te mir djalit te varfer dhe qe ndihej jetim keshtu duhet te veprojne te gjith miljonerat se me shum jua shton Zoti shpresoj qe te na informoni dhe me vone si do jete jeta e ketij femije me babain ne shtepi

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33