LEZHË- Një sasi lëndë plasëse është vendosur gjatë natës pranë godinës së banesës së Zef Kolës, efektiv rendi në fshatin Manati rreth orës 02:00 pas mesnate. Ngjarja ka ndodhur në fshatin Manati në Lezhë ku në portën e oborrit të banesës së policit është vendosur një sasi lënde plasëse e cila ka shpërthyer duke dëmtuar një pjesë të portës.

Për pasojë, nga shpërthimi ka vetëm dëme materiale ndërsa nuk është raportuar për të lënduar. Në dëshminë e dhënë para hetuesve Zef Kola ka deklaruar se nuk ka konflikte, duke kërkuar zbardhjen e ngjarjes. Ndërkohë djali i tij Alen Kola ka qene kandidat për kryetar të partisë demokratike në zgjedhjet e zhvilluar nga Rithemelimi i Berishës.

Në momentin e ngjarjes anëtaret e familjes Kola kanë qenë në gjumë dhe sapo kanë dëgjuar shpërthimin i cili ishte i fuqishëm kanë dalë nga banesa, duke njoftuar policinë. Këta të fundit mbërritën menjëherë në vendin e ngjarjes, duke nisur hetimet në lidhje me rastin. Gjithashtu specialistet e Njesisë Antieksploziv të ardhur nga Tirana pritet të përcaktojnë llojin dhe sasinë e lëndes shpërthyese. Ndërkohë grupi hetimor pritet të analizoje kamerat e sigurisë përgjatë të banesave dhe bizneseve përgjatë rrugës Lezhë-Milot për të parë lëvizjet para dhe pas ngjarjes, ndërsa pista kryesore e hetimit është përqendruar tek detyra e 50-vjeçarit Zef Kola i cili prej vitesh është pjesë e strukturave të policisë së shtetit.