I vodhi delen, bariu në Ndroq merr peng hajdutin dhe e dhunon fizikisht për 4 orë

I vodhi delen, bariu në Ndroq merr peng hajdutin dhe e dhunon fizikisht për 4 orë

Vjedhja e një deleje në fshatin Mënik afër Ndroqit, ka bërë që një person të ndalohet duke u mbajtur peng për 4 orë dhe dhunuar fizikisht. Aleksandër Dumi, ishte duke ecur në rrugë dhe me duar tërhiqte një dele, por rastësisht është parë nga Pëparim Nika, pronari i kopesë së deleve, i cili po shkonte tek stani i tij.

Nika ka dyshuar se delja që tërhiqte me duar Aleksandër Dumi i përkiste tufës së tij dhe menjëherë e ka pyetur se ku e kishte marrë këtë dele. Por nga ana e Aleksandër Dumit, ka ardhur përgjigja se e kishte gjetur në rrugë. Nika, ka kuptuar se delja ishte e tufës së tij dhe se në atë zonë, vetëm delet e tij qëndrojnë për kullotje.

Përparim Nika, ka filluar ta godasë Dumin duke e tërhequr me forcë dhe futur pa dëshirën e tij në makinë. Dumi fillimisht është çuar në ambientet e një thertoreje, ku është rrahur keqas dhe më pas është zbritur në një përrua ku dhe aty është mbajtur peng dhe është dhunuar nga Përparim Nika dhe Ermal Ceka.  Pasi e kanë rrahur, ka qenë vetë Përparim Nika, i cili ka njoftuar policinë se kishte kapur një person që i kishte vjedhur një dele, duke ja dorëzuar policisë.

 Nga dhuna fizike, Aleksandër Dumi ka pasur dëmtime të rënda fizike dhe është dërguar për mjekim në Spitalin e Traumës. Dumi ka thënë në polici se është mbajtur peng për 4 orë nga Përparim Nika dhe disa persona të tjerë, të cilët nuk i njeh.

Dumi ka deklaruar se ka qenë i dehur dhe ka vjedhur një dele në fshatin Mënik, Ndroq. Pas konstatimit të plagëve, në polici është shoqëruar Përparim Nika dhe Ermal Ceka, ku ky i fundit ka deklaruar se: “....e kam goditur me dy shpulla autorin e vjedhjes së deles, por jo në atë mase që ankohet Aleksandër Dumi...”.

Nisur nga këto rrethana policia ka arrestuar Përparim Nika, për veprën penale të “Plagosja e rëndë me dashje” dhe “Heqja e paligjshme e lirisë”, në kushtet e vuajtjeve të rënda fizike. Prokurori i çështjes Julian Zonja kërkoi caktimin e masës së “arrestit në burg” për Përparim Nika pasi akuzohet për dy vepra penale të rënda. Por nga ana tjetër gjykata e Tiranës, ka vendosur të nxjerrë të paligjshëm momentin e arrestimit të Nika nga policia dhe të caktojë ndaj tij masën e sigurisë “Detyrim për tu paraqitur në policinë gjyqësore”.

Lirimi nga burgu i Përparim Nika, ka bërë që prokuroria e Tiranës të apelojë vendimin e shkallës së parë në Apel, duke kërkuar caktimin e masës së “arrestit në burg”, për të.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 30/06/2020 02:19

    Mire eshte qe cdo pronar ti stampose gjedhin,kurse delet e dhite tu bejne shenja me ngjyra qe nuk dalin nga uji por qe te jene njelloj per gjithe kopene.Kjo ka qene tradite ne Shqiperi ne kohen e pare ,por nuk e di ne eshte rifilluar.Kjo do ndihmonte ne uljen e vjedhjeve,por dhe ne evitimin e akuzave e incidenteve pa baza.

    Përgjigju
  • Bin: 29/06/2020 20:48

    Ne kete te ashtuquajtur shtet nuk ka rruge tjeter.Prokurori ne vend te merret me hajdutin merret me ate qe u vodh dhe kete e ben sepse hajdutin e ka koleg.Te dy hajduter jane

    Përgjigju
  • shaban: 29/06/2020 15:11

    heren tjeter mos ta njoftoje policine por ta rrahi e ta mbaj et lidhur nja 1 jave

    Përgjigju
  • Ersilda: 29/06/2020 14:46

    Mir qe hajduti na vjedhe po na fusin dhe ne burg Se policat i kemi pal me hajdutin

    Përgjigju
  • xxx: 29/06/2020 14:29

    Paska shpetuar mire pa ngrene ndonje plumb çifte

    Përgjigju
  • Krimineli: 29/06/2020 13:56

    Mir ja ka bo madje madje nqs do ndihm nji hap larg jemi :p te vjedhesh eshte gjeje me e ulet

    Përgjigju
  • Realieti: 29/06/2020 12:12

    O çja paske bere mire. Ja ke nxjerre pijen dhe vesin hajdutit.

    Përgjigju
  • WTF: 29/06/2020 10:51

    Cfare lajmesh banale! Ne cdo vend te botes ka perplasje makinash, rrahje e banalitete nga njerez me intelekt te ulet, por nuk i sheh perdite ne lajme lokale e jo me kombetare. Mjaft se na e shpifet me keto banalitete! Pse nuk merreni dhe me lajme pozitive, p. sh. u hap fabrike e re, u hap ferme e re, u hapen vende pune, u ndertua nje rruge etj.? Njerezve u ka ardhur ne maje te hundes me krim, krim, krim, arrestim, krim, perplasje makinash, kercitje shpullash, mjaft se na hapet barkun!

    Përgjigju
  • Tani Shkoder: 29/06/2020 10:06

    Po mir ja kan ba qe e kan rrah, qe mos ti bin n mend me vjedh ma! Nika ska nevoje te arrestohet sepse ai esht viktima

    Përgjigju
    • Dren kurkulica: 29/06/2020 13:15

      Shumë e vërtetë vetëm injorantët dhe gjakprishurit nuk e përkrahin në këtë rast pronarin e kopesë së deleve

    • Ndroqi: 29/06/2020 13:06

      Ky Aleksander dumi ose skender dumi eshte emer shume i njohur nga policia por policia mer pjesen e vet dhe i le dore te lire derisa i preken interesat e veta

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD