POP 5

Lajmet më të lexuara të 5 minutave të fundit

Kronikë

I vuri eksploziv godinës në ndërtim në Shëngjin, rikthehet në qeli Angli Stafuka! Gjykata e Lartë rrëzon vendimin e Apelit të Shkodrës që e la të lirë

Angli Stafuka , i arrestuar me urdhër të prokurorisë, i dyshuar si bashkëpunëtor i vendosjes së një sasie eksplozivi në një objekt në ndërtim në zonën e Ranës së Hedhur në Shëngjin, ngjarje e ndodhur me 19 nëntor të vitit 2020, është rikthyer në qeli ditën e sotme.

Angli Stafuka i vënë nën akuzë si bashkëpunëtor i vendosjes së një sasie eksplozivi, në një objekt në ndërtim në zonën e Ranës së Hedhur në Shëngjin në nëntor të vitit 2020, është rikthyer në qeli. Gjykata e Lartë ka prishur vendimin Gjykatës së Apelit Shkodër të dhënë nga trupa gjykuese e kryesuar nga Fuat Vjerdha që e kishte lënë të lire të riun, përkundrejt garancisë pasurore me shumen 10 milion lek

Vendimi i Gjykatës së Lartë është marrë në dhomen e Këshillit që prej datës 11 nëntor 2021-të, por  Prokuroria e Lezhës nuk ishte njoftuar për të nxjerrë urdherin e ekzekutimit dhe Angli Stafuka vijone të qëndronte në liri.

Ka qenë ndërhyrja e prokurorit të shkallës së parë në Lezhë Françesk Ganaj i cili ka konstatuar vendimin dhe urdhëruar menjëherë ekzekutimin e tij në oret e vona të mbrëmjes të së martës. Stafuka u arrestua mëngjesin e sotë. Në vendimin e arsyetuar të Gjykatës së Lartë thuhet se është konstatuar shkelje e rëndë të ligjit procedurial nga Gjykata Apelit kur i dha masë të butë të riut.Angli Stafuka në bashkëpunim me Elald Pajtanin dyshohet të kenë vënë lënden ekplozive në objektin në ndërtim të biznesmenit Liman Gjoka në zonen e Ranës së Hedhur në Shëngjin, ngjarje e ndodhur në muajin nëntor të viti 2020.

Në lidhje me këtë çështje prokuroria e Lezhës ka mbyllur hetimet dhe dosja është dërguar për gjykim më të pëndehur dy të rinjtë nga Fushë Kruja, ndaj të cileve janë ngritur akuzat "Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” e kryer në bashkëpunim.

Sipas burimeve prokuroria ka arritur të provojë se këta shtetas në bashkëpunim me njëri tjetrin janë autoret e vendosjes së eksplozivit në objektin në ndërtim në pronësi të biznesmenit Liman Gjoka i cili u sulmua dy herë me lëndë plasëse, konkretisht në muajit nëntor dhe dhjetor të vitit 2020, ndërsa për shpërthimin e dytë ende nuk është arritur të zbardhet.Shkak i këtyre ngjarjeve dyshohet të jenë bërë konfliktet e pronësisë në lidhje me truallin ku po ndërtohej objekti disa katesh.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06