Një shpërthim eksplozivi ka ndodhur në të gdhirë të datës 1 qershor në periferi të qytetit të Fushë Krujës.
 
Policia ka arrestuar autorin e vendosjes së lëndës eksplozive në murin rrethues të banesës së shtetasit Hamit Tusha në datën 01.06.2017, rreth orës 03:00, në vendin e quajtur Arrameras, Fushë-Krujë.
 
Leonard (Miri) Çopani, 32 vjeç, lindur dhe banues në Fushë-Krujë i cili ishte shpallur në kërkim u arrestua në lagjen "Savër", Lushnje.
 
Lënda plasëse i është vendosur murit rrethues të banesës së qytetarit Hamit Tusha, i cili jashtë kamerës tha se shpërthimi i ka tmerruar të gjithë familjen, madje nuk po kuptonin ku ishte vendosur madje.
 
Ai është shprehur se nuk e di arsyen e këtij akti, pasi nuk ka probleme e mosmarrëveshje me asnjë person.

Redaksia Online
Al.N/Shqiptarja.com