E kishte kërkuar fanellën me numrin 10, që kur firmosi për PSG-në, por lojtari që e mbante atë numër nuk pranoi. 'Ëndrra' e Ibrahimoviç bëhet realitet tani që braziliani Nene do të largohet nga Parisi.

Ai është mësuar të ndryshojë shumë fanella ekipesh, prandaj nuk do të mendohet dy herë për të marrë numrin 10.

Vështirësia do të qëndrojë në faktin se Ibra do të ketë dy fanella sepse në Ligën e Kampionëve ndryshimi i numrit nuk është i lejuar.

Zlatan veshi fanellën me numrin 10 tek Interi por vetëm për pak kohë, përpara se të transferohej tek Barcelona, edhe pse në asnjë ndeshje zyrtare.

(g.a/shqiptarja.com)