POP 5

Lajmet më të lexuara të 5 minutave të fundit

Bota

Ideja e fundit e Trump, të blejë Groenlandën, ishulli më i madh në botë

Sipas gazetës “Wall Street Journal”,  Donald Trump ka nisur seriozisht ta konsiderojë idenë e blerjes së Greoenlandës nga Danimarka

Ideja e fundit e Trump, të blejë Groenlandën, ishulli më i madh në botë

Sipas gazetës “Wall Street Journal” Donald Trump ka nisur seriozisht ta konsiderojë idenë e blerjes së Greoenlandës nga Danimarka.

Presidenti amerikan ka folur disa herë me këshilltarët e tij dhe ka urdhëruar të hulumtohet me seriozitet mundësia e blerjes së shekullit.

Interesimi i presidentit amerikan lidhet me burimet natyrore dhe rëndësinë gjeopolitike të ishullit.

Kureshtja e Trump për Groenlandën u ngjall kur një nga bashkëpunëtorët e tij, gjatë një darke në pranverën e kaluar do t’i thoshte presidentit se blerja do të ishte e favorshme, duke theksuar avantazhet ekonomike të një operacioni të tillë financiar.

Lajmi vjen ndërsa Trump po përgatitet të bëjë vizitën e tij të parë zyrtare shtetërore në Danimarkë, ku ai do të takohet kryeministrin Mette Frederiksen dhe do të marrë pjesë në një darkë shtetërore të organizuar nga Mbretëresha Margrethe II në 2-3 Shtator.

Tema e takimit do të përqendrohet, ndër të tjera, në Grenlandë, ku Shtetet e Bashkuara kanë ndërtuar disa baza ushtarake dhe stacione moti që nga Lufta e Dytë Botërore.

Sidoqoftë, hipoteza e një oferte për ishullin është pritur me pak seriozitet në Danimarkë. Lars Lokke Rasmussen, kryeministër deri në qershor dhe tani drejtues i opozitës, ka shkruar në Twitter se ideja e Trump "duhet të jetë një shaka e 1 Prillit", edhe pse është jashtë sezonit.

Trump nuk është presidenti i parë që e shikon Groenlandën me interes. Në vitin 1946 Harry Truman i propozoi Danimarkës të blinte ishullin për 100 milion dollarë, por oferta e tij u refuzua.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

30 Mars, 22:57