POP 5

Lajmet më të lexuara të 5 minutave të fundit

Politikë

Identifikimi biometrik, Pelinku orienton zgjedhësit për 25 prillin: Do sinjalizohemi për votimin e shumëfishtë

Nënkomisionerja Lealba Pelinku tregon për Report tv se deri në çfazë është puna për identifikimin biometrik. Pelinku orienton zgjedhësit duke treguar se çfarë duhet të kenë në konsideratë ditën e zgjedhjeve dhe si do të funksionojë pajisja që do i identifikojë ata.

TIRANË- Kohëzgjatja e bojës nëpër gishtat e votuesve nuk do të jetë objekt akuzash mes palëve politike në 25 prill. Komisioni Qendror i Zgjedhjeve ka miratuar tashmë vendimin që i hap rrugë blerjes së pajisjeve për identifikimin biometrik të zgjedhësve. Lealba Pelinku, nënkomisionerja e KQZ tregon për report tv se si do të funksionojë kjo pajisje që do i identifikojë zgjedhësit nëpërmjet teknologjisë.

 “Synohet të shmanget votimi i shumëfishtë i votuesve dhe në emër të të tretëve. Sistemi i pajisjes është konceptuar ta shmangë në kohë reale duke sinjalizuar tentativën për votimin e shumëfishtë dhe dokumentimin e kësaj gjëje. Sistemi do realizojë jo vetëm qendërzimin por dhe kryqëzimin e të dhënave, të bëjë verifikim të procesit ku mund të identifikohen shkelje”, shprehet nënkomisionerja Pelinku.

Nënkomisionerja Pelinku orienton zgjedhësit se çfarë duhet të kenë në konsideratë ditën e zgjedhjeve, përfshirë faktin që KQZ pas votimin do identifikojë të gjithë ata që janë përfshirë në dukuri të jashtëligjshme.

 “Pasi të ketë mbaruar procesi i votimit do të realizohet qendërzimi dhe kryqëzimi me efekt verifikimi aposteriori pranë Komisionit Qendror të Zgjedhjeve për çdo qendër votimi gjë që e shmang në nivelet maksimale dukuritë e jashtëligjshme”, thotw Pelinku.

Por sa do i kushtojë shtetit identifikimi biometrik?

“Për të folur për llojin e aparaturës është ende herët. Do studiohet tregu për të kristalizuar një ide për vlerën e përafër të fondit të projektit”, vijon Lealba Pelinku.

Disa ditë më parë, Komisioni Qendror i Zgjedhjeve miratoi vendimin që i hap rrugë blerjes së pajisjeve për identifikimin biometrik të zgjedhësve. Duke pasur në konsideratë kohën e shkurtër në dispozicion, në vendimin e miratuar ishte parashikuar dhe futja në fuqi e klauzolës e cila shmang afatin e detyrueshëm në tendera. Ndërkohë, këtë të hënë, KQZ ngriti grupin e punës për sigurimin e votës së emigrantëve. 6 anëtarët kanë afat deri në 15 nëntor për të sjellë një raport të detajuar që përmban kostot financiare, shembujt nga jashtë vendit, aktet juridike

er.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01