Libri i Ihsan Budos “Unë partizani shqiptar që shpëtova 20 000 ushtarë italianë”, vjen në kuadër të botimeve të paplotësuara ende të Luftës së Dytë Botërore në Shqipëri. Libri është me mjaft interes, ndërsa spikat mes 400 faqeve të tij kontributi i madh që ka dhënë ky gjeneral i luftës Nacionalçlirimtare gjatë kapitullimit të Italisë fashiste në qytetin e Sarandës, ku ishte një bazë e madhe ushtarake. Me taktin e tij dhe inteligjencën që e karakterizonte Ihsan Budo manovroi në bisedimet me palën italiane, që të shmangej lufta.