Pjesëmarrja në protestë përfundoi keq për Klevis Balliun, i cili përfundoi në Lanë në përpjekje për t’i shpëtuar një sulmi me gurë nga protestuesit.

Dhjetëra protestues kishin rrethuar deputetin Klevis Balliu dhe demokratë të tjerë, duke iu kërkuar që të largohen nga protesta mes thirrjeve “nuk na përfaqësoni, deputetë të krimit”, “Rama në burg, Berisha në burg”.

Situata u tensionua më shumë pasi protestuesit i përzunë demokratët dhe nisën të qëllojnë në drejtim të tyre me ujë e shishe.

Pas momentit kur u përzu nga protesta, Klevis Balliu i gjendur nën breshërinë e gurëve të protestuesve ia mbath me të katërtat për të shpëtuar dhe përfundon në Lanë.

Një tjetër demokrat që ka qenë me Balliun mësohet se ka mbetur i lënduar, por djali i Fahriut ia hodhi paq me një kalim në Lanë dhe duke akuzuar Policinë se ishte ajo që në bashkëpunim me Edi Ramën organizoi sulmin. 

Rendit zhvillimet sipas orarit:
Ora 22:34
Përfundoi në Lanë për t’i shpëtuar protestuesve, Balliu gjen fajtorët: Skemë e organizuar nga Policia, Rama dhe banditë të tjerë, përdorën partinë e ‘Qorrave’ (VIDEO)

Deputeti i Partisë Demokratike, Klevis Balliu, ka reaguar pasi u përzu mbrëmjen e sotme nga protesta dhe u detyrua të fytej përmes Lanës për t’i shpëtuar sulmeve të protestuesve të maskuar.

Përmes një video-mesazhi Balliu shprehet se është e vërtetë që ka pasur një përballje dhe janë sulmuar disa qytetarë.

Ai thotë se incidenti ishte i mirëorganizuar nga Qeveria dhe Policia, duke përdorur sipas tij aktivistë të partisë Lëvizja Bashkë të Arlind Qorit, të cilët sipas tij janë në shërbim të mazhorancës.

Teksa shprehet se qeveria socialiste është në ditët e saj të fundit, Balliu thekson se nuk ka skemë të kryeministrit Edi Rama që ta ndalojë të përballet me qeverinë.

Reagimi i Klevis Balliut:

Me zhurmën e fundit mediatike të mediave të qeverisë, më duhet të sqaroj sa vijon. Sot rreth orës 5 nga selia e PD-së kamë denoncuar dhunën e tmerrshme e kriminale nga Policia e Shtetit kundër studentëve. Kjo erdhi si rrjedhojë e një reagimi të detyrueshëm nga deklaratat e turpshme të Dhimitraq Ziut, i cili kërkonte të fshihte aktet kriminale të Policisë kriminale të Edi Ramës ndaj studentëve. Së dyti, është e vërtetë që patëm një incident të mirëorganizuar nga operacionalja e Policisë së Dhimitraq Ziut, Skënder Hitës, Ilir Prodës, Ergys Agasit dhe të gjithë banditëve të tjerë, të cilët përdorin aty partitë e Qorrave që sillen si opozitarë, por janë në shërbim total të mazhorancës dhe Edi Ramës.

S’ka diskutim që njësoj si gjithë të tjerët ata do të marrin përgjigjen e merituar, siç kanë marrë shpesh herë çdo bandit që ka dhunuar dhe ka guxuar të përplaset me qytetarët e lirë të këtij vendi. Nuk është e vërtetë që më kanë goditur. Është e vërtetë që kemi patur një përballje dhe që janë sulmuar qytetarë në atë moment. Por e padiskutueshme që nuk ka skemë të Operacionales, të Edi Ramës, apo të Qorrave që do të vihen para përgjegjësisë, që do mund të më ndalojnë mua, PD-në apo cilindo demokrat që të mbështesin me të gjitha fuqitë studentët që po përballen me narko-regjimin e Edi Ramës. Nuk ka diskutim që kjo është një betejë e fituar dhe që Rama është në ditët e tij të fundit. Vazhdojmë përpara me studentët deri në fund.

R.Xh/Shqiptarja.com

Ora 21:49
‘Pse vetëm Saliu e kalon oqeanin’- Balla publikon pamjet kur Klevis Balliu përpiqet t’i shpëtojë protestuesve dhe ironizon: Iu fut Lanës me not! (VIDEO)

 

Kreu i Grupit Parlamentar të Partisë Socialiste, Taulant Balla, ka publikuar pamjet kur deputeti demokrat Klevis Balliu kalon përmes Lanës, për t’u shpëtuar protestuesve, të cilët e përzunë nga sheshi.

Krahas pamjeve, Balla me ironi ka shkruar në rrjetet sociale ‘Klevis Balliu kalon me not Lanën’.

Më tej Balla ka bërë edhe një krahasim mes Balliut dhe kryedemokratit Sali Berisha teksa shkruan: ‘Pse vetëm Saliu e kalon oqeanin me not’.

“LAJM I MIRË! Klevis Balliu kalon me not Lanën. Pse vetëm Saliu e kalon oqeanin me not”, ka shkruar Balla krahas pamjeve në rrjetet sociale.

R.Xh/Shqiptarja.com

R.Xh/SI.E./Shqiptarja.com
Sa e vlerësoni këtë artikull?
★ ★ ★ ★ ★
3.9 / 5 (10 vlerësime)
LAJMET MË TË VLERËSUARA
  • Sondazhi i ditës: 15 Tetor, 13:43

    A i mbështesni protestat e dhunshme në vend?

Lajme të tjera