TIRANË- Pas temperaturave përvëluese, vendi ynë është përfshirë nga stuhi breshëri. Tirana, Elbasani, Durrësi, Korça, Fieri e qytete të tjera janë ‘pushtuar’ nga reshje masive breshëri. Policia i bëri apel drejtuesve të mjetit që të bëjnë kujdes me shpejtësinë, ndërsa për shkak të erës së fortë u rrëzuan disa pemë në disa qytete.
Stuhia e cila vjen pas një kohe të gjatë thatësire dhe temperaturave të larta mbi 40 gradë celsius, zgjati për disa minuta. Nga pamjet, duket që breshëri ka qenë me përmasa të mëdha, ndërsa menjëherë pas ndryshimit të motit temperaturat pësuan një rënie.
Duket se i nxehti po i lë vendin reshjeve të shiut, pasi deri ditën e mërkurë, në mesditë dhe pasdite, priten reshje shiu me intensitet të ulët, lokalisht shtrëngata afatshkurta. Ditën e enjte dhe të premte reshjet e shiut do të bëhen prezente në orët e mesditës kryesisht përgjatë ultësirës perëndimore dhe zonave malore.
Në lindje dhe juglindje lokalisht reshjet e shiut fitojnë intensitet deri mesatar në formën e shtrëngatave shoqëruar me shkarkesa elektrike dhe breshër.
Rreshjet e shiut në Elbasan
Stuhia ka përfshirë disa qytete të vendit pas temperaturave përvëluese.
Report Tv sjell video nga qyteti i Korçës, ndërsa dallohen pemët e rrëzuara në tokë për shkak të erës së fortë.
Orët e fundit Tirana është përfshirë nga një stuhi e fortë me reshje të shumta shiu. Grupet e emergjencës së Bashkisë Tiranë bashkë me skuadrat e tjera po punojnë intensivisht për të normalizuar situatën pas shirave të rrëmbyeshëm.
Edhe pse reshjet ishin tepër intensive, kanalizimet kulluan brenda një kohe të shkurtër sasinë e madhe të ujit, ndërsa lëvizja e këmbësorëve dhe e mjeteve vijon aktualisht pa probleme.
Kryebashkiaku i Tiranës, Erion Veliaj, përmes një reagimi në rrjete sociale apelon qytetarët që të kenë kujdes dhe të shmangin lëvizjet e panevojshme.
“Tirana është përfshirë nga moti i keq, do të ketë reshje dhe erëra të forta. Ju lutem, tregoni kujdes dhe shmangni lëvizjet e panevojshme! Ekipet tona janë të gatshme për çdo situatë. Për çdo problem, raportoni në aplikacionin "Tirana Ime" ose telefononi 112”, shkruan ai.
Policia e Shteti u bën apel shoferëve që të bëjnë kujdes me shpejtësinë pas stuhisë së breshërit që ka ‘pushtuar’ disa qytete të vendit.
"Pjesa më e madhe e vendit është përfshirë nga reshjet e dendura të shiut dhe era e fortë, duke vështirësuar qarkullimin e mjeteve në rrugë. Me qëllim parandalimin e aksidenteve rrugore, Policia e Shtetit, APELON ndaj të gjithë përdoruesve të rrugës, të tregojnë kujdes të shtuar, në raport me shpejtësinë, sistemet e shikueshmërisë përpara, veçanërisht mjetet me ngarkesa dhe lartësi të konsiderueshme që janë më të rrezikuara për shkak të erës së fortë. Strukturat e Policisë Rrugore janë në terren, për të ndihmuar dhe parandaluar ngjarjet rrugore. Telefononi 112 për çdo shkelje apo në rast nevoje në rrugë", apelon policia.
Re të dendura, të vrenjtura, kështu dukej plazhi i Golemit pak para se të pushtohej nga stuhia e breshërit.
Retë e dendura ‘mbërthyen’ plazhin e Golemit, ndërsa po perëndonte edhe dielli.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Ikin rrebeshet, fundjava sjell ulje temperaturash! Në zonat malore reshje bore
23 Nëntor, 07:24 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47
cijanimor icat famili, na theu xhamat e bambolonit mor. tan don boskut
Përgjigju