Kapiteni i ekipit të Spanjës, Iker Casillas është paraqitur në stërvitje me pjesën tjetër të ekipit kombëtar me një fanellë të ekipit të Francës.

Bluza e veshur nga gardiani i portës ka shkaktuar mjaft polemika, për faktin se ndeshja e radhës e iberikëve do të jetë pikërisht përballë "Gjelave" të Deshamp për kualifikueset e botërorit të Brazilit.

Casillas është vënë në qendër të polemikave ditët e fundit, pas ndeshjes derbi me Barcelonën. Sakaq, ndeshja e fundit midis dy përfaqësueseve të Spanjës dhe Francës është zhvilluar në finalet e kampioantit Europian të futbollit, e cila ka përfunduar me fitoren e iberikëve.

(d.b/shqiptarja.com)