RADHIMË- Ka vijuar rreth orës 05:00 të mëngjesit të sotëm aksioni i Inspektorati Kombëtar i Mbrojtjes së Territorit për shembjen e objekteve në Radhimë. Në këtë zonë janë vendosur Forcat e Ndërhyrjes së Shpejtë për të mos lejuar banorët e zonës të pengojnë aksionin për shembjen e objekteve.
Aksioni po ndiqet nga drejtoresh e IKMT-së Dallandyshe Bici dhe Drejtori Pol të Vlorës, Artion Duka. Jashtë kamerave Bici sqaroi se do të ndërhyhet në 51 prej tyre ndërsa për të tjerat pritet të shprehet ASHK ( kadastra), pasi janë objekte në proces legalizimi ose me dokumente hipotekore.
Shembjet e objekteve do të vijojnë përgjatë gjithë vijës bregdetare nga Vlora deri në Orikum. Ditën e djeshme, shembja e objekteve u shoqërua e rezistencën e banorëve, të cilët u shprehën se nuk janë kundër shembjeve të objekteve por kërkojnë që ajo të mos jetë selektive.
Drejtoresha e Përgjithshme e IKMT Dallëndyshe Bici
Policia rrethon zonën ku po bëhet shembja e objekteve
Prishjet në Radhimë
Inspektorati Kombëtar për Mbrojtjen e Territorit ka falenderuar policinë e Shtetit për gatishmërinë gjatë aksionit në Radhimë ku do të prishen 60 objekte pa leje. Deri më tani njofton IKMT- janë prishur 15 objekte
"IKMT, falënderim për Policinë e Shtetit
Inspektorati Kombëtar i Mbrojtjes së Territorit është në aksion në bregdetin e Vlorës prej mëse tri javësh, në funksion të projektit të vazhdimit të shëtitores buzë detit. IKMT ka në planin e saj prishjen e mbi 60 objekteve pa leje. Deri tani janë prishur rreth 15. Në punën e tyre përgjatë këtij aksioni, inspektorët e IKMT janë ndeshur gati çdo ditë me kërcënime, sharje, fyerje dhe skena që ndjellin dhunë nga poseduesit e këtyre objekteve pa leje, të mbështetur nga të afërm apo të njohur të tyre. Nga ana e inspektorëve ka pasur përherë nje sjellje për t’u përshëndetur, pa reaguar asnjëherë. Por këtë herë duam të falënderojmë në mënyrë të veçantë Policinë e Shtetit, e cila jo vetëm është sjellë korrektësisht dhe profesionalisht në çdo minutë që situata mund të përndizej, por edhe ka mbajtur një qëndrim mëse komunitar, duke mirëkuptuar acarimin e qytetarëve, por duke zbatuar plotësisht ligjin. Policia e Shtetit ka qenë në krah të IKMT dhe jo pak herë kanë shmangur veprime dhe situata që nuk dihet si mund të precipitonin. E vërtetë se është e pazakontë të falënderosh një institucion pse kryen detyrën, por ndonjëherë varet dhe si e kryen detyrën. Ndaj jo vetëm falënderim, por edhe mirënjohje për punën e policisë gjatë aksionit tonë në Vlorë", shkruan IKMT.
Banorët dhe pronarët e biznesve të objekteve që po prishen në Radhimë nga IKMT janë përplasur mëngjesin e sotëm me Forcat e Ndërhyrjes së Shpejtë të cilët kanë janë përpjekur të neutralizojnë tensionet mes banorëve dhe punonjësve të IKMT.
Komente
Lajme të tjera
-
Tiranë/ Projekti i Unazës së Madhe, shembet me shpërthim të kontrolluar Ura e vjetër e Babrroit (VIDEO)
13 Dhjetor, 14:48 -
Nafta derdhet lumë në Kuçovë, por institucionet bëjnë një sy qorr
3 Dhjetor, 22:57 -
Lungomare 3, shemben 30 lokale e restorante pergjatë vijës bregdetare Vlorë-Radhimë
13 Nëntor, 16:50 -
Projekti ‘Lungomare’, drejt përfundimit ‘Uji i Ftohtë’-Radhimë, Rama: Po punohet edhe për projektin e bregdetit të Orikumit (VIDEO)
1 Nëntor, 08:39 -
Nis reahabilitimi i hyrjes së Shkodrës! Shemben 21 shtëpi e lokale si dhe 50 baraka të romëve
16 Shtator, 12:23
-
Emërimet/ Dallëndyshe Bici rikthehet te IKMT, Lorena Goxhabelli te Kadastra! Drejtori i KESH shkon te Agjencia e Burimeve Natyrore! Ja kush drejton Portin e Durrësit
31 Korrik, 11:59 -
Dallëndyshe Bici largohet nga drejtimi i Kadastrës, rikthehet tek IKMT! Ja kush është drejtuesja e re e Kadastrës
31 Korrik, 10:25 -
IKMT aksion në terren në bypass-in e Vlorës dhe aksin Orikum-Dukat
17 Korrik, 16:32 -
Shkrumbohet lokali në Radhimë të Vlorës, digjen dhe shezllohet, shikoni dëmet (FOTO)
5 Korrik, 07:44 -
Radhimë, dogji 300 rrënjë ullinj dhe 6 hektarë shkurre, në pranga 36-vjeçari
2 Korrik, 11:03 -
Zjarr në Radhimë, digjen sipërfaqe të mbjella me ullinj dhe pemtari
1 Korrik, 16:55 -
Vlorë/ Zjarr në Radhimë, flakët djegin një sipërfaqe me shkurre dhe barishte pranë njësive akomoduese
30 Qershor, 16:40
NE te gjithe shqiperine duhen te shemben 1 milion pallate-hotele-e lokale ne bregdet e kudo....
PërgjigjuPo ne Durres more kryeminister kur do shemben shemtirat qe kane ndertuar direkt ne det. Ajo ura a Lefter Kokes pse nuk shembet ? dhe nga berryli deri ne Currila pse nuk shemben ? po ajo ndertesa 9 kate tek Sfinksi e ndertuar pa leje pse nuk shembet ? po ne hyrje te Durresit gjate gjithe linjes hekurudhurore pse nuk shemben ? Apo IKMT ben nje sy qorr ne Durres ? Apo Gjushi ju ka futur te gjitheve deri ne gryke ?
PërgjigjuNDYRESIRA TE VLORES LARG DUART NGA BREGDETI,,,BREGDETI ESHTE I SHQIPTAREVE JO I JUAJI,,,LUNGOMARJA TE VAZHDOI DERI NE KSAMIL,,,EC PERPARA EDI RAMA,,QENTE LE TE LEHIN KARVANI TE SHKOJE PERPARA.....
PërgjigjuNdertesa dy kateshe e kuqe ne foto duhet te shembet,,,eshte shume afer detit....
Përgjigju10 qëner që ulurasin. Vlora është 200 mijë banorë. Rruajani karin policisë langaraqet e Vlorës.
PërgjigjuBravo me ne fund po shikojm dorën e shtetit. Un vet jam votues i PD nga Vlora, por kjo nuk më pengon të them atë që është e mirë për Vlorën tonë. Vlora është e të gjithve!!
PërgjigjuPo Saranda që eshte nje shëmtirë dhe model unik i antiurbanistikës në botë kur do shembet? Të shembet e gjithë Saranda që fshatarësisë që dhunoi kete qytezë ti hyjë tmerri!
Përgjigjukete gusht kalova 2 dite ne sarande pas 28 vjetesh saranda eshte qyteti me i demtuar nga betoni ne te gjith shqiperine prandaj i dashur e rregullon vetem termeti