ILDKP, hetim pasurisë dhe
pronave të gjyqtarëve
Inspektorët do të munden të kontrollojnë pronat e gjyqtarëve dhe familjarëve të tyre direkt nga regjistri pasurive. Nisma është ndërrmarë pas informacioneve se shumë gjyqtarë kanë prona të padeklaruara në emër të familjarëve
Pronat e padeklaruara dhe pronat e hedhura në emrat e familjarëve të gjyqtarëve do të kalojnë në skaner. Ministria e Drejtësisë dhe Inspektoriati i Deklarimit të pasurive nënshkruan dje një marrëveshje sipas të cilës ILDKP-ja do të ketë akses të plotë në regjistrin elektronik kombëtar të regjistrimit të pasurive. Sistemi dixhital i pasurive të paluajtshme, nga i vihet në dispozicion ILDKP-së, në mënyre që të gjithë pasuritë e nëpunësve publikë, të familjarëve të tyre dhe të personave të lidhur të verifikohen online brenda pak minutave. “Nëpërmjet këtij memorandumi, Qeveria tregon edhe njëherë vullnetin dhe angazhimin maksimal për të siguruar të gjitha mjetet e nevojshme dhe instrumentet ligjore dhe ekzekutive për forcimin institucional. Kjo tregon edhe njëherë vendosmërinë e palëkundur te qeverise për luftën pa kompromis ndaj korrupsionit dhe te gjithë formave te shfaqjes se tij.” –u shpreh Ministri i Drejtësisë Eduard Halimi. Nga ana tjetër kreu i ILDKP-së Adriatik Llala e vlerësoi marrëveshjen si një hap të rëndësishëm dhe pozitiv në forcimin e bashkëpunimit mes dy institucioneve, që ndikon në marrjen në kohë reale të hetimit dhe në uljen e kostos financiare dhe njerëzore dhe ka si qëllim forcimin e shtetit ligjor.
NismaPak kohë më parë është krijuar arkiva dixhitale në ZRPP, portalin e shërbimeve online të regjistrit të pasurive të paluajtshme dhe sistemi One stop shop për noterët. Por ky projekt duket se do të vijë në ndihmë dhe për luftën ndaj korrupsionit në drejtësi sepse duke i dhënë ILDKP-së aksesin online për hetime, do ti japë mundësi asaj që të hetojë në mënyrë më të shpejtë dhe efikase pasuritë e gjyqtarëve, prokurorëve dhe gjithë familjarëve të tyre apo njerëzve të lidhur me ta. Sipas ministrit Eduard Halimi ky memorandum i jep ILDKP-së por dhe institucioneve të tjera mjetet dhe instrumentet për hetime proaktive ndaj çdo nëpunësi publik, subjekt i ligjit për deklarimin e pasurive. “Dhënia e të drejtës së aksesit online për gjithë informacionin e kërkuar, jo vetëm që ndihmon ILDKP-në për hetimin e shpejtë dhe efikas, por ndihmon edhe vetë ZRPP-në pasi lehtëson punën e saj dhe ngarkesën qe kërkohet për fotokopjimin dhe korespondecen në letër’, - u shpreh ministri.
GjykatësitNë deklaratat e pasurisë të zbardhura dy javë më parë, vihet re se gjyqtarët janë zyrtarët të cilët zotërojnë pasuri të mëdha. Shpesh ata kanë më shumë se një apartament si dhe dyqane dhe toka bujqësore të cilat iu sjellin fitime nga qiraja. Gjyqtarët disponojnë dhe të ardhura të konsiderueshme bankare, të cilat shpesh janë në valutë të huaj. Sipas perceptimit të publikut shqiptar, sistemi i drejtësisë është një nga sistemet më të korruptuara në vend. Por duket se gjyqtarët do të vijojnë të mbajnë imunitetin që i mbron nga fillimi i procedimeve penale, pa miratimin e Këshillit të Lartë të Drejtësisë. Kjo pasi mazhoranca dhe opozita nuk kanë arritur ende një konsensus në kufizimin e imuniteteve për zyrtarët e lartë, ku një shtresë e cila do të zhvishej nga imuniteti ishin dhe gjyqtarët. Ndërkaq, partnerët ndërkombëtarë kanë kërkuar nga ekzekutivi dhe reforma të tjera për sistemin e drejtësisë në vend. Shumë zyrtarë, veçanërisht gjyqtarë dhe prokurorë, kanë deklaruar se kanë pranuar shuma të mëdha parash të gatshme në formë të huave, apo dhuratave të shtrenjta, nga të afërmit dhe anëtarët e familjes”. ILDKP-ja ka përllogaritur se rreth 10 milionë €transferohen çdo vit te zyrtarët shqiptarë nga palët e treta, vetëm në formë të huave në para të gatshme. Këto lëvizje të kapitalit jashtë sistemit bankar dhe në formë pasurie, krijojnë dyshim të arsyeshëm se në disa raste ato janë mënyrë e shpëlarjes së parasë, të fituara përmes korrupsionit.
(sg/shqiptarja.com)
Sondazhi i ditës:
Rithemelimi propozon rikthimin e koalicioneve të vjetra, a jeni dakord?
-
Po
19.1%
-
Jo
72.4%
-
Nuk e di
8.5%
Vota total: 2016
Lajme të tjera
-
CRIME STORY/ Kronika e përgjakur e pushtimit italian më 7 prill të 1939
19 Prill, 22:14
-
'Të vdektë fëmija në bark nëse je shtatzënë', Sara e prekur nga komentet e rënda
19 Prill, 22:12
-
Ervin Mete: Ekonomia e Shqipërisë e qëndrueshme, por e ndikuar nga rrethanat financiare globale
19 Prill, 21:59
-
I dehur në timon, arrestohet efektivi i policisë në Rrogozhinë
19 Prill, 21:45
-
KPA lë në fuqi shkarkimin e prokurorit të Beratit Tasim Puci, Vetingu lë jashtë dhe ndihmësin ligjor të gjykatës Administrative
19 Prill, 21:43
-
2 milionë e 400 mijë tonë naftë prodhoi Shqipëria në vitin 1974! Flet në Esencë eksperti Gjergji Foto
19 Prill, 21:35
-
Bllokimi i aksioneve dhe dalja në ankand, KF Tirana: Dezinformim i qëllimshëm, synon tjetërsimin e aseteve të klubit
19 Prill, 21:25
-
Protesta e Rithemelimit para bashkisë, shoqërohen në polici 4 protestues
19 Prill, 21:24
-
Ylli Pata: Skema sekrete e opozitës anti-SPAK, kush do të jetë dyshja e 're' për 2025-n
19 Prill, 21:18
-
VIDEO/ Hysaj luan 55 minuta, Lazio fiton 0-1 kundër Genoas
19 Prill, 21:16
-
GOLAT/ Lazio i falet Luis Albertos, mund Genoan në udhëtim! Juventus luan në Sardegna me Cagliarin
19 Prill, 21:15
-
Mero Baze: Ilir Meta ka gjetur mekanizmin se si të mos ja marrin më kurrë partinë
19 Prill, 21:07