Nëse hap faqet e mediave kryesore sot në vend, logjikisht kushdo do të priste të gjente detajet pse ish-presidenti Ilir Meta është nën hetim nga SPAK, çfarë ka bërë, cilin ligj ka shkelur, a rrezikon të dënohet etj etj. Se jo për gjë, por nuk ndodh shpesh që të merret nën hetim një ish-president, aq më tepër në Shqipëri.
Por hiç! Në shumicën prej tyre ke vetëm video se si Ilir Meta ia ka marrë valles në kampin e famshëm të Jalës, pastaj se si flet për rininë, të ardhmen e saj, pastaj gjen dhe një reagim të tij për një protestë periferike në Tiranë për prishjen e ca shtëpive, dhe në fund edhe një deklaratë se si ai, Ilir Meta, do rrëzojë diktaturën e vendosur në Shqipëri nga Rama, bashkë me të rinjtë.
Pastaj gjen edhe analiza se si Edi Rama i është vënë me bukë në trastë Ilir Metës, se ai është më i dobët se Berisha, ndaj dhe po goditet, apo se e gjithë kjo po i vjen nga Erion Veliaj, nga frika se mos Meta kandidon për Bashkinë e Tiranës.
Dhe kjo ndodh, sigurisht, se Edi Rama ka kapur të gjitha mediat në vend dhe nuk i lë të shkruajnë kundër Ilir Metës, asnjë fjalë! Por le të shohim një rast të ngjashëm, në Amerikën e largët.
FBI pak ditë më parë kontrolloi shtëpinë e ish-presidentit Donald Trump dhe sekuestroi disa dokumente, që thuhet se janë sensitive. Nuk mbeti media, e madhe apo e vogël, me Trump apo kundër Trump, republikane apo demokratike, shtetërore apo private, që nuk shkroi, investigoi, intervistoi, për atë që kishte ndodhur, për ditë me radhë. Dhe kjo, vetëm se u sekuestruan disa dokumente. Imagjinoni të ishte marrë i pandehur Donald Trump, si presidenti ynë!
Kuptohet, pati edhe aty njerëz e media që akuzuan se drejtësia është e kapur dhe se Donald Trump po përndiqet politikisht, për shkak se do të rikandidojë për president, siç pretendohet se po përndiqet politikisht edhe ish-presidenti ynë, meqë ka vendosur të kandidojë për Bashkinë e Tiranës, siç përflitet lartë e poshtë.
Por askush nuk e fshehu lajmin dhe të vazhdonin sikur të mos kishte ndodhur asgjë, për të raportuar veprimtarinë e përditshme të Donald Trump, siç po ndodh në Shqipëri me rastin e Ilir Metës. Se siç thotë dhe populli, “nuk mund të fshihet dielli me shoshë”!
Dhe sot, Ilir Meta nuk mund të fshihet pas mediave të tij, sado të përpiqet. Nuk mund të fshihet dot më as pas shtatorit, se për të erdhi para kohe!
Lajme të tjera
-
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34
