POP 5

Lajmet më të lexuara të 5 minutave të fundit

Politikë

Ilir Meta: Do të pranoja ftesë
për darkë nga Rama

Kryetari i LSI-së shprehet i gatshëm për tu takuar në një darkë të dytë me kreun e PS-së Edi Rama, nëse merr ftesë nga ky i fundit. Pas takimit me senatorin italian Alberto Filipi, Ilir Meta deklaroi se kishte 30 vjet kohë për të menduar për postin e presidentit. Megjithatë senatori italian iu drejtua Metës me termin “Presidente”.
Meta - Luan Ramës: Je më i mirë se unë për president
Erjon Braçe: S' votoj të korruptuar
Zbardhet Pakti Rama- Meta VIDEO
Blushi: Për presidentin na duhet aleanca me LSI
Ilir Meta: Do të pranoja ftesë <br />për darkë nga Rama
TIRANE- Do hyjë apo jo në garën presidenciale kreu i Lëvizjes Socialiste për Integrim? Ilir Meta vetë deklaroi sot se kishte 30 vjet kohë për ta menduar një kandidim të tillë. Megjithatë senatori italian Alberto Filipi, teksa i komunikonte gazetarëve mbresat pas takimit,  iu drejtua Ilir Metës me termin “Presidente”. Nga ana e tij Meta, pas përfundimit të fjalës së rastit, shpejtoi për të sqaruar gazetarët për termin e përdorur. “Në italisht, kryetarit i thonë president”. Një sqarim i tillë u shoqërua me hilaritet nga të gjithë. Kreu i LSI-se deklaroi gjithashtu se do të pranonte një ftesë darke nga kreu i PS-se Edi Rama.

PER PRESIDENTIN KAM KOHE
Meta vuri theksin tek rëndësia e një procesi konsensual për zgjedhjen e presidentit i cili nuk mund të zhvillohet nëse nuk realizohet reforma parlamentare, zgjedhore dhe heqja së imunitetit. Ai nënvizoi ndërtimin e një procesi bashkëpunimi mes mazhorancës dhe opozitës edhe pas zgjedhjes së Presidentit apo Presidentes së re të vendit.

“ Dua të theksoj rëndësinë e këtij momenti të rëndësishëm politik. Është emergjente bashkimi i votave për ti dhënë fund reformës zgjedhore, parlamentare dhe zgjidhjes së cështjes së imunitetit. Sa i takon presidentit është e rëndësishme të theksoj rëndësinë që ka procesi jo për plotësimin e një vendi që lirohet në kohën e duhur por në kuptimin e funksionimit të duhur të një institucioni tepër të rëndësishëm dhe për vijimin konsensual të reformave. Kështu duhet parë i gjithë procesi”- tha Meta.

Meta u përgjigj dhe në lidhje dhe deklaratat e djeshme të Luan Ramës për faktin se edhe Meta mund të jetë një kandidat për President. “Mirëkuptoj propozimin e Luan Ramës dhe e ftoj publikisht të kandidonte për kryetar të LSI-së.Kandidimi im është ai për kryetar të LSI. Ndërsa për një kandidim për president, kemi 30 vjet përpara për ta çmuar së bashku kur do të ishte moment i përshtatshëm për të kontribuar"- tha Meta.

Ai nënvizoi se “Çështja e zgjidhjes së presidentit duhet parë si proces politik dhe do të ishte dritëshkurtësi të shihet si proces ekonomik dhe se zgjedhjet e parakohshme janë të panevojshme. Nëse reforma realizohet përsëri do të duhet kohë që të implementohen ndryshimet që do të bëhen në Kodin Zgjedhor.”

DO PRANOJA FTESEN E RAMES
I pyetur nga gazetarët në lidhje me darkën me Edi Ramën në shtëpinë e tij në Gjirin e Lalëzit, Meta dha disa detaje të darkës duke shtuar se do të pranonte ftesën e kreut socialist për një darkë tjetër. “Kam dëgjuar fantazi të ndryshme, është hedhur dyshim se kjo darkë është ngrënë natën, por darka hahet natën. E sigurtë që produkte deti ishin, normale, darka ishte buzë detit. Absolutisht do të pranoj nëse do kisha ftesë për darkë në shtëpinë e Ramës. Edhe kur nuk isha i ftuar në dasëm i çova buçetën më të bukur”
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Ndodh pas dhjetë vitesh konflikti, 28 Nëntori bën bashkë 'Ballistët' dhe 'Shvercerat' në Tetovë: Mirë se vini vëllezër nga Shkupi

Ndodh pas dhjetë vitesh konflikti, 28 Nëntori bën bashkë 'Ballistët' dhe 'Shvercerat' në Tetovë: Mirë se vini vëllezër nga Shkupi

26 Nëntor, 14:37