Ilir Meta pret ambasadorin serb në Tiranë: PL mbështet dialogun mes Serbisë dhe Kosovës

Në një takim me ambasadorin e Serbisë në Shqipëri Slobodan Vukçeviç, kryetari i Partisë së Lirisë Ilir Meta ka shprehur edhe një herë angazhimin sipas tij e Partisë së Lirisë për marrëdhënie bashkëpunimi institucionale dhe konkrete me interes reciprok, midis Shqipërisë dhe Serbisë.

Meta shkruan në Facebook se gjatë takimit i ka shprehur ambasadorit se Partia e Lirisë mbështet dialogun e ndërmjetësuar nga Bashkimi Evropian, midis Kosovës dhe Serbisë, për normalizimin e marrëdhënieve dhe njohjen reciproke midis dy shteteve.

“Prita sot në një takim Ambasadorin e Republikës së Serbisë në Tiranë, Slobodan Vukçeviç. Theksova angazhimin e Partisë së Lirisë për marrëdhënie bashkëpunimi institucionale dhe konkrete me interes reciprok, midis Shqipërisë dhe Serbisë, si edhe në kuadër të bashkëpunimit rajonal dhe integrimit evropian. Partia e Lirisë mbështet në veçanti bashkëpunimin rajonal në kuadër të Procesit të Berlinit, duke e konsideruar si një bazë solide për një integrim të vërtetë të të gjashtë vendeve të rajonit, sipas modelit evropian, mes vetes dhe në BE.

LEXO EDHE:
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

Partia e Lirisë nënvizon nevojën për respektimin e të drejtave të plota të shqiptarëve në Medvegjë, Bujanovc e Preshevë, dhe i bën thirrje të gjithë shqiptarëve që jetojnë në Serbi, të marrin pjesë në regjistrimin e popullsisë që zhvillohet atje. Partia e Lirisë mbështet dialogun e ndërmjetësuar nga Bashkimi Evropian, midis Kosovës dhe Serbisë, për normalizimin e marrëdhënieve dhe njohjen reciproke midis dy shteteve. Partia e Lirisë është e bindur se e ardhmja e rajonit tonë është e sigurt dhe me prosperitet për të gjithë qytetarët tanë, vetëm si pjesë e Bashkimit Europian”, ka shkruan Meta.

K.T./Shqiptarja.com

TAG:
• Ilir Meta
• Slobodan Vukçeviç
• Kosovë – Serbi
• Dialogu Kosovë Serbi