Iliri sot ka lajmëruar të madh e të vogël, fis e shokë, se po niset ushtar në Vlorë. Do ‘të më gjeni në Vlorë’, lëshoi zë në mbarë botën. Ai do të jetë ushtar derisa zgjedhjet të jenë të ndershme- ka thënë- dhe kur zgjedhjet preken aty ‘populli është ushtar’. Deri më tani nuk dihet nëse populli vlonjat do të dalë ushtar, por një gjë e garanton Meta: ‘Për vete po niset për në Vlorë!’, po të ketë të tjerë si Iliri, le ta gjejnë në repart.
Akti i Ilirit është i pari në botë kur presidenti i një Republike niset për ushtar, vesh këmbalet, pecet e këmbëve, komçat, kapelën, spaletat… del nga zyra e presidentit dhe merr pushkën në krah. A është e vërtetë kjo? Për ta vërtetuar duhen prova.
Ç’prova na sjell Ilir Meta se mbërriti në repartin ushtarak të Vlorës?
Prova e parë duhet të jenë rrobat civile me të cilat u nis djali nga shtëpia: Rrobat duhet të kthehen në Tiranë ku ka shtëpinë. Zakonisht djaloshi i rekrutuar si ushtar atë ditë vesh rrobe të vjetra, dikur ishin rrobe- rrecka. Sapo mbërrin në repart, djaloshi qethet, i digjen qimet se mund të kenë parazitë dhe i digjen rrobat- po për këtë motiv. Por në rastin tonë rrobat e presidentit- ushtar duhet të shfaqen në sheshin e kryeqytetit, të vizitohen nga mijëra njerëz në shenjë nderimi dhe pastaj të digjen në një ceremoni- siç popujt indigjenë vrasin totemin e shenjtë mu në shesh. Këtë provë nuk e kemi akoma…
Vlonjatët ruajtën me kujdes rrobat e ushtarëve të mashtruar kosovarë, të paguar nga Bukoshi i FARK, që erdhën të sulmojnë Vlorën në pranverë të vitit 1997. Vlonjatët i morën djemtë ushtarë të Kosovës, i futën në shtëpi, u mjekuan plagët e shkaktuara në luftë kundër popullit, i ushqyen disa ditë si fëmijë e pastaj u thanë se mund të shkonin. Kosovarët i morën rrobat të lara.
Po provë tjetër se Iliri mbërriti në repartin ushtarak?
Po!, ai duhet të tregojë gjilpërë dhe pè për të qepur qaforen sapo të mbërrijë, të dërgojë në shtëpi edhe ndonjë foto me qafore të bardhë. Ta qepë vetë, se presidenca jonë ka ‘dy zonja të para’, por nuk quhet nëse këto ia qepin qaforen ushtarit… Kjo do ta bëjë të besueshme se Iliri është vërtet ushtar. Ndryshe premtimi i tij do të shkojë bosh. A nuk ka premtuar se do të japë dorëheqje ‘nëse…’? Sa ‘nëse’ kanë kaluar?… A ka premtuar se në revolucion do ta ngrejë popullin për të rrënuar popullin? Deri sot nuk kemi gjë, naaaa! A kishte premtuar se do të vetëflijohej si Salvador Alende? Vajza e Alendes po shkruan romane e po pret lajme nga Shqipëria për një personazh ‘baba’ të dytë.
Provë e tretë: Njerëzia duhet të marrë në dorë disa letra nga reparti ushtarak, letra që t’i ketë shkruar vetë Iliri me dorë. Në gjithë jetën dhe mbarë botën, familja pret me mall dhe me njëfarë ceremonie, letrën e parë nga djali ushtar. Por si president, Ilirit, i kërkohet që në letër të përshkruajë detin e Vlorës. Gjatë tre dekadave populli shqiptar ka pasur liderë që i frikësohen detit, ose që janë rritur me malin te hunda dhe pa pikë horizonti. Prova e detit është provë e hapësirave; gjë që pritet edhe nga ushtari i mirë Ilir Meta.
Prova e ushqimit: Të paktën për tre muaj Ilir Meta nuk duhet të kërkojë ushqime nga shtëpia. Kjo periudhë quhet ‘karantina e rekrutit’. (Iliri është vetë- rekrutuar si ushtar). Pas tre muajsh le të presë ushqime speciale nga shtëpia, mundësisht kuleq. Në ushtri ka vetëm çaj me klor dhe makarona të skuqura; nuk duhet rrezikuar. Këshilltari juridik i presidentit Meta, zoti Dervishi, ka pasur eksperiencë të keqe. Ai u detyrua të lirohet nga burgu vetëm për arsyen se kishte ‘probleme me hemorroidet’, sipas vendimit të Gjykatës.
Dhe, e fundit: Zoti Meta duhet të deklarojë publikisht se po shkon ushtar në Vlorë sipas ‘vullnetit të tij të lirë’. Kjo është e domosdoshme: Që të mos e marrin sikur po e fsheh qeveria, ose sikur vetë po bën disa prova për t’i rezistuar ndonjë izolimi tjetër si izolimet që vendos Gjykata.
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53
