POP 5

Lajmet më të lexuara të 5 minutave të fundit

Kultura

Iluzionisti Walter Rolfo: U dashurova
me Shqipërinë, sërish shfaqe në shesh

Gjatë fundjavës që lamë pas Tirana dhe Prishtina u vesh nga magjia e iluzionistëve të njohur nga Italia. I ftuar në studion e A1 Report për të biseduar rreth kësaj eksperience ishte Presidenti i Master of Magic, Walter Rolfo. VIDEO
Gjatë fundjavës që lamë pas Tirana dhe Prishtina u vesh nga magjia e iluzionistëve të njohur nga Italia. I ftuar në studion e A1 Report për të biseduar rreth kësaj eksperience ishte Presidenti i Master of Magic, Walter Rolfo. Ai u shpreh mjaft entuziast për pjesëmarrrjen e qytetarëve në shesh si dhe për kureshjen e treguar.

“Ishte kënaqësi të bëje magji këtu. Nuk arrinim të ecnim nga njerëzit, pasi  kishte pjesëmarrje mjaft të madhe si dhe është përçuar shumë energji. Për mua ishte një dashuri me shikim të parë u dashurova me Shqipërinë.” Rolfo ka theksuar se do të rikthehet sërish në Shqiqëri me projekte të reja të cilat do të përfshijnë kombinimin e muzikës me truket e magjisë.  

valter rolfo

“Do të kthehemi pasi kemi shumë projekte të reja. Një prej tyre ka të bëj me një event shumë të madh ku do të ketë muzikë dhe magji. Do ta realizojmë në shesh  meqë kishte një pjesëmarrje kaq të madhe, mund të ketë Dj.  të medhënj në mënyrë që bëjmë spektakël magjie  me bazat e tyre muzikore.” Përveç aktiviteteve në Tiranë e Prishtinë, magjia do të bëhet pjesë edhe e spitalin Universitar “Nënë Tereza” ku do të ofrohen truke magjie për të sëmurët.

“Të ëndërrosh me këtë lloj arti është emocion. Duke parë  pjesëmarrjen e madhe  na u duk  bukur ta conim “magjinë” tek ata që nuk mund të vinin në shesh,”-vijoi Walter. Rolfo, i cili është gjithashtu edhe Presidenti i Kampionatit Botëror i Magjisë u shpreh se do të kishte dëshirë të ndërtonte një strukturë të “Master of Magic” në Shqiqëri. “Do të donim të ndërtonin një shkollë magjie  dhe në këtë mënyrë të mësohej gjuha italiane përmes magjinë.

valter rolfo

Do të donim të ndërtonim një bazë të “Master of Magic këtu”. Walter Rolfo premtoi në spektaklet e ardhmshme truke të reja magjie për të sjellë diçka të rinovuar në sytë e publikut. “Magjia është gjithmonë  diçka e re në sytë e atij që e shikon. Duam ta rinovojmë, të krijojmë disa efekte që të qëndrojnë në mendjen e njerëzve, na pëlqen ta realizojmë të pamundurën”,-është shprehur Rolfo.

Sa i përket dashurisë së tij për këtë profesion Walter theksoi: “Mendoj se kam lindur magjistar. Bëja lojëra magjie tek të afërmit e mi. Tashmë  jam një 40 vjeçar me fat kam bashkuar ëndërrat e fëmijërisë me të sotmet.” Sipas Walter Rolfos magjia të bën ti shohësh problemet me një sy tjetër.

Me anë të magjisë sipas tij mëson të mos thuash “jo” ndaj problemeve. Gjithashtu ai theksoi se do të zhvillohet për herë të parë në Itali, kampionati botëror për magjinë.

Redaksia Online
(xh.k/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq/ Ja si paraqitet situata në gjithë vendin, kush janë rrugët e bllokuara

Moti i keq/ Ja si paraqitet situata në gjithë vendin, kush janë rrugët e bllokuara

13 Janar, 10:36