Ata bllokuan sërish rrugën nacionale Fier-Tiranë, duke shkaktuar trafik të rënduar. Është dashur ndërhyrja e policisë për të zhbllokuar rrugën. Nuk kanë munguar as përplasjet me drejtuesit e automjeteve, të cilët u detyruan të presin në trafik.
Ndërkohë gjatë ditës së djeshme policia procedoi penalisht 5 banorë të kësaj zone, për grumbullim të paligjshëm dhe bllokim të qarkullimit të automjeteve. Banorët thonë se janë të vendosur që të vijojnë protestat deri në tërheqjen e vendimit nga Bashkia.
“Impianti nuk ndërtohet pa kaluar mbi trupin tonë më parë” shprehen banorët.