Kuvendi sqaron se, sipas rregullores së këtij institucioni, trupa që shqyrton amendamentet kushtetuese përbehet nga Këshilli i Legjislacionit dhe komisioni për çështjet ligjore nën drejtimin e kryetarit të Kuvendit. Ndaj nevojitet mbledhja e këtij këshilli që sërish sipas Rregullores parashikohet jo më herët se dy javë nga depozitimi nismës.
Nisma e deputetëve të mazhorancës i është përcjellë Kuvendit më 6 korrik dhe për këtë arsye konferenca e kryetarëve ka caktuar datat 20-21 korrik 2012, si data për shqyrtimin e nismës dhe zhvillimin e dëgjesave me ekspertë konstitucionalistë.