POP 5

Lajmet më të lexuara të 5 minutave të fundit

Politikë

Imuniteti, trojka takon Ramën:
Ka kohë boll deri më 6 gusht

Deri më 6 gusht ka kohë të mjaftueshme për diskutuar mbi heqjen e imunitetit. Ambasadori i SHBA në Tiranë, Aleksandër Arvizu, i është përgjigjur kështu shqetësimit të kryesocialistit Rama për të mos u nxituar mbi këtë temë me qëllim evitimin e arnimit të tepërt të Kushtetutës.
Edhe ambasadorja gjermane pret miratimin në 6 gusht
TIRANE- Deri më 6 gusht ka kohë të mjaftueshme për diskutuar mbi heqjen e imunitetit. Ambasadori i SHBA në Tiranë, Aleksandër Arvizu, i është përgjigjur kështu shqetësimit të kryesocialistit Rama për të mos u nxituar mbi këtë temë me qëllim evitimin e arnimit të tepërt të Kushtetutës.

Vetëm pak ditë më parë Rama e kishte bërë të qartë se nuk donte të përsëriste gabimin e vitit 2008 kur firmosi një marrëveshje me Kryeministrin Berisha për ndryshimin e Kushtetutës në lidhje me zgjedhjen e Presidentit të Republikës. Por Arvizu sot pas takimit me Ramën në selinë rozë u tregua i qartë: “Vota është me datë 6, me kohën shqiptare është një kohë e përjetshme, ka kohë mjaftueshëm për diskutime”. “Ashtu siç ndodh me çdo pjesë legjislacioni, nuk duhet të lëmë të përsosurën të jetë armike e së mirës”, shtoi Arvizu, i cili shprehu besimin se ajo mes palëve “do të jetë një punë e mirë”.

Nga ana e tij, Ambasadori i BE-së, Ettore Sequi, përsëriti atë që kishte thënë edhe në një intervistë pak ditë më parë në studion e TV A1Report. “Me lejoni ta them troç: nuk po u kërkojmë politikanëve të pëlqehen, por të punojnë bashkë për Shqipërinë”. Sipas tij, heqja e imunitetit është një çështje me “rëndësi kritike” për vendin.

Ai theksoi se “marrëveshja mbi Kodin Zgjedhor ishte një hap i mirë përpara që shpresojmë të ndiqet nga imuniteti dhe Rregullorja e Parlamentit”, dy tema të tjera që i i cilësoi “po aq të rëndësishme” për integrimin e vendit.

Ndërsa ambasadori i OSBE-së Wollfarth nënvizoi se ndëshkueshmëria dhe “të qenurit i nënshtruar ndaj Kushtetutës dhe ligjit është shumë e rëndësishme”. Por gjithashtu, sipas, edhe çështja e imuniteteve “është shumë e rëndësishme për funksionimin e shtetit në vetvete dhe për këtë diskutime të rëndësishme do të zhvillohen”.

Wollfart i bëri thirrje klasës politike shqiptare që të shfrytëzojë në maksimum kohën që i ka mbetur. “Shfrytëzimi sa më i mirë i kohës, ky është emri i lojës që shtrihet përpara”, theksoi ambasadori i OSBE-së.

(im/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26