Ina Balla ia del në luftën kundër
kancerit, sot shitëse ambulante

Ina Balla ja ka dalë në luftën kundër kancerit të gjirit dhe sot ajo punon për të rritur dhe shkolluar dy vajzat e saj. Një vit më parë Ina ishte në mes të katër rrugëve për shkak se nuk mund të përballonte dot shpenzimet për të luftuar sëmundjen e saj të rëndë, por gjithashtu edhe të rriste dy vajzat e saj.
 
Pas apelit në Report TV, Ministria e Shëndetësisë, Bashkia e Tiranës dhe shumë qytetarë brenda dhe jashtë Shqipërisë e ndihmuan për të blerë ilaçet, për të paguar qiranë, por edhe duke i dhënë shuma monetare dhe ushqime.
 
37-vjeçarja sot ka një leje nga Bashkia e Tiranës si shitëse ambulante pranë Zogut të Zi. Me një tavolinë të vogël ajo shet produkte të ndryshme. Ina thotë se punon për dy vajzat e saj dhe se bën rreth 7 mijë lekë të vjetra në ditë.
 
“Sot jam në këmbë, jam mirë. Punoj për të mbajtur vajzat e mia, për hallet dhe problemet e shtëpisë. Po falë punës, fitoj 5 mijë deri në 10 mijë lekë të vjetra në ditë”, tjotë ajo.
 
Në këtë vend 37-vjeçarja shet parfume, por edhe produkte të tjera. Kur e pyesim për shëndetin, Ina tregon se do vazhdojë të kurohet për 5 vite rresht, por ajo thotë se gëzon një shëndet të mirë.

“Bëj vizita çdo 3 muaj, kam dalë mirë deri më tani që po bëj kontrolle. Do vazhdoj me mjekime dhe ilaçe për 5 vite, por deri më tani jamë shumë mirë”, shprehet ajo.
 
Ndërkohë Ina Balla i kërkon ndihmë edhe njëherë Bashkisë së Tiranës, për të shtyre lejen si shitëse ambulatore.
 
“Unë kam nevoj të më shtyhet leja, pasi sot është afati i fundit i saj. Falenderoj të gjithë për mbështetjen dhe i lutem bashkisë që të më shtyjë përsëri lejen si shitse ambulante”, apelon Balla.
 
Me lejen që i ka dhënë bashkia si shitëse ambulante, Ina paguan për shkollimin e dy vajzave.

[gallery]21292[/gallery]

Redaksia Online
Al.N/Shqiptarja.com