POP 5

Lajmet më të lexuara të 5 minutave të fundit

Kronikë

Inagurohet Zyra e re e
Punësimit e Tiranës

Dje u inaugurua Zyra e parë moderne e Punës në Tiranë në godinën e ish-Lidhjes së Shkrimtarëve. Të pranishëm në inaugurim ishin kryeministri Z. Edi Rama, Ministri i Mirëqenies Sociale, Z. Erion Veliaj.
Inagurohet Zyra e re e<br />Punësimit e Tiranës
TIRANE- Dje u inaugurua Zyra e parë moderne e Punës në Tiranë në godinën e ish-Lidhjes së Shkrimtarëve. Të pranishëm në inaugurim ishin kryeministri Z. Edi Rama, Ministri i Mirëqenies Sociale, Z. Erion Veliaj, Ambasadori i Bashkimit Europian, Ettore Sequi, Ambasadori i Gjermanisë, Hellmut Hoffmann, Presidenti i Zyrës së Punësimit të Gjermanisë, Frank Weiser, Drejtori i Përgjithshëm i AMC, Z. Dimitris Blatsios, si dhe personalitete të tjera publike. Në fjalën e tij, Kryeministri Rama theksoi se Zyra është një projekt që do të shërbejë si një adresim për çdo të ri të shkolluar, për çdo punëkërkues të hershëm apo shqiptarëve që studiojnë jashtë, të informohen se çfarë mundësish ofron Shqipëria.

Kryeministri e cilësoi projektin e inauguruar sot si dallëndyshen e parë që lajmëron një stinë të re të marrëdhënies së qytetarit me punëkërkimin. Nga ana tjetër, Ministri Veliaj tha se për Zyrën e re nuk është shpenzuar asnjë e ardhur nga kontributi i taksapaguesve shqiptarë, sepse projekti është financuar dhe mbështetur nga AMC dhe Raiffeisen Bank. Në Zyrën e re aktualisht janë reklamuar 2,180 vende pune dhe 6,344 punëdhënës të regjistruar. Ashtu si edhe në të kaluarën, AMC është e angazhuar të japë kontributin e saj në projektet që lidhen me punësimin dhe përmirësimin e cilësisë së jetës së komunitetit. Të gjithë të rinjtë e papunë, të cilët kanë mbaruar një shkollë apo zotërojnë një profesion tashmë falë këtij projekti kanë një tjetër derë të hapur.

 
Inagurimi shoqërohet me protesta drejtuar Ramës
Inagurimi i zyrës së parë moderne të punës është shoqëruar edhe me protestën e disa ish punonjës të Shërbimit Kombëtar të cilët janë prekur nga shkurtimet në administratë kanë dalë në protestestë përballë ambienteve të reja të zyrës së punës teksa inagurohej. Thirrjet e tyre i janë drejtuar kryeministrit i cili e ka kaluar këtë momente pa i kushtuar shumë rëndësi dhe i është përmbajtur qëllimit për të cilin ishte aty. Hapja e kësaj zyre do të jetë tashmë një derë e hapur që do të mirëpresë të gjithë të rinjë të cilët sapo kanë përfunduar shkollën dhe janë ende në kërkim të një pune.


Shkrimi u publikua sot (15.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Raporti për klimën i Bankës Botërore: Diversifikimi dhe potenciali i erës do të bënin TEC Vlorën jo ekonomik përtej 2030

Raporti për klimën i Bankës Botërore: Diversifikimi dhe potenciali i erës do të bënin TEC Vlorën jo ekonomik përtej 2030

29 Nëntor, 07:39