Kryetarja e Komisionit Hetimor për Inceneratorët, Jorida Tabaku hodhi akuza të rënda ndaj qeverisë që sipas saj është e lidhur me atë që e cilëson si 'mafien e inceneratorëve". Tabaku madje akuzoi edhe Damian Gjiknurin, se ka firmosur një koncesion vetëm për shitje energjie ndaj inceneratorit të Elbasanit edhe për 25 vite, ndërkohë që ai mbaronte për 7 vite. Kjo nuk është pranuar nga Damian Gjiknuri i cili tha se asnjë kontratë koncesionare nuk është firmosur prej tij dhe se se shitja e energjisë nuk është koncesion por detyrim i lidhur nga kontrata bazë që kompania kishte firmosur me Ministrinë e Mjedisit.
Tabaku tha Stela Gugallja dhe Klodian Zoto kanë përfituar pa garë një koncesion dhe në kundërshtim me ligjin edhe 25 vjet kontratën koncesionare te Inceneratorit të Elbasanit për shitjen e energjisë, por për Gjiknurin këto janë gënjeshtra dhe akuzon Tabakun se "ka humbur lidhjen me realitetin" për shkak të "lëkundjeve tektonike" që po ndodhin brenda PD-së.
"Elementi më i rëndësishëm që doli sot gjate diskutimit, ishte edhe vendimi Nr. 792 i Këshillit të Ministrave. Çfarë thotë ky vendim?! Ndërkohë që qeveria shqiptare kishte dhënë një koncesion për 7 vite për inceneratorin e Elbasanit, njëkohësisht duke përfshirë incenerimin dhe shitjen e energjisë, mbaronte për 7 vite dhe merrte në dorëzim bashkia Elbasan. Qeveria shqiptare i jep një koncension tjetër për 25 vite vetëm për shitjen e energjisë. Një koncesion i cili sot po i heq të ardhura buxhetit të shtetit. Një koncesion që sot e ka marrë përsëri Klodian Zoto dhe Stela Gugallia. Kjo kontratë koncensionare e cila ne fakt është një fletë bakalli, shet të drejtat koncensionare për të shitur energjinë dhe bazohet njëkohësisht në një vendim të ERE-s. Pra, një koncesion që e kemi paguar 21.6 mln eruo pa TVSH, një koncesion që kishte parasysh edhe shitjen e energjisë që do administrohej nga bashkia e Elbasanit, që do gjeneronte edhe të ardhura për bashkinë e Elbasanit, është dhënë një kontratë tjetër koncensionare për ta zgjatur atë pa procedurë, pa garë, tek Klodian Zoto dhe Stela Gugallia me 25 vite. Kjo mban firmën e z.Damian Gjiknuri", tha Tabaku.
"Keqardhje për deklarimet tashmë të përsëritura dhe krejt spekulative të zonjës Tabaku. Duket se "lëkundjet tektonike" brenda PD-së midis grupeve "grata" dhe "non grata" e kanë bërë dhe Tabakun të humbasë lidhjen me realitetin. Kontratat janë publike dhe çdokush mund ta shohë që nuk është firmosur asnjëra prej meje. Sot, Tabaku vijoi me të tjera shashka teksa deklaroi se paskam firmosur koncesion të posaçëm për shitje energjie inceneratorit të Elbasanit për 25 vjet. Sërish mashtrim! Autorizimi i dhënë kompanisë për prodhim energjie nuk është koncesion por është detyrim i lindur nga kontrata bazë që kompania kishte firmosur me Ministrinë e Mjedisit", shkruan ndwr tw tjera Gjiknuri.
Nga Kryesia e Kuvendit, Tabaku tha se "e njëjta skemë e pastrimit të parave që ka ndodhur me inceneratorin e Tiranës dhe Fierit, ka ndodhur edhe me inceneratorin e Elbasanit"
Sipas saj janë të " paktën 10 kompani të cilat janë hapur nga Stela Gugallia, Mirel Mërtiri dhe Klodian Zoto, të cilët kanë nënkontraktuar veten. Çdo punë e inceneeratorëve të Elbasanit, Fierit dhe Tiranës është bërë nga këto kompani nënkontraktuese".
Tabuku tha se inceneraroti i Elbasanit ka marrë garanci sovrane nga shteti gjatë pandemisë përveç pagesave.
"Kompanitë janë paguar me para nga buxheti i shtetit. Kompania e inceneratorti të Elbasanit ka marrë garanci sovrane nga buxheti i shtetit për të paguar paga 4 mijë, ndërkohë që e gjithë Shqipëria, gjithë ekonomia u mbyll, inceneratori i Elbasanit ka marrë garanci sovrane, ndërkohë që merrte edhe pagesat e buxhetit të shtetit. Dhe ajo që është më e rëndësishmja është ajo e nënkontraktimeve. Këtu kemi të bëjmë me një skemë të mirëfilltë të pastrimit të parave, para të cilat kanë shkuar në kompani fiktive, kanë shkuar në pronësi të Gugallias dhe Zotos, me dyshimin që kosto reale e inceneratorit të Elbasanit nuk është aq sa thuhet në vlerën e kontratës koncensionare", tha Tabaku.
Akuzat e tretë që hodhi Tabaku, ishte në lidhje me taksën që paguajnë kompanitë e ndërtimit për dheun e pagërmuar tek inceneratori i Tiranës.
"Por sot nga dëshmitë doli që në mënyrë abuzive Bashkia e Tiranës, pa asnjë akt administrativë, pa asnjë vendim te Keshillit te Ministrave, pa asnjë kontratë detyron të gjithë firmat të cilat ndërtojnë në Tiranë, duke mos diferencuar kushdo në vepra publike apo me fonde publike, apo ndërtime të tjera private t’i çojnë në inceneratorin e Tiranës duke i krijuar pune inceneratorit te Tiranes me nje volum prej 40 mln euro shtese. Ne shkelje te kontratës, ne shkelje te gjithë ligjeve te vendit duke kthyer inceneratorin e Tiranes ne nje miniere te vertete ari."
Sekretari i Përgjithshëm i PS, Damian Gjiknuri i është përgjigjur akuzave të deputetes së PD, Jorida Tabaku, e cila tha se me firmë të tij Klodian Zotos dhe Stela Gugalljes ka firmosur koncesion të posaçëm për shitje energjie inceneratorit të Elbasanit për 25 vjet.
Gjiknuri i cilëson këto deklarata gënjeshtër, ndërsa akuzon Tabakun se "ka humbur lidhjen me realitetin" për shkak të "lëkundjeve tektonike" që po ndodhin brenda PD-së. Gjiknuri thotë se asnjë kontratë koncesionare nuk është firmosur prej tij dhe se se shitja e energjisë nuk është koncesion por detyrim i lidhur nga kontrata bazë që kompania kishte firmosur me Ministrinë e Mjedisit.
"Keqardhje për deklarimet tashmë të përsëritura dhe krejt spekulative të zonjës Tabaku. Duket se "lëkundjet tektonike" brenda PD-së midis grupeve "grata" dhe "non grata" e kanë bërë dhe Tabakun të humbasë lidhjen me realitetin. Fillimisht gënjeu publikisht kur tha se kisha firmosur kontratën e inceneratorit të Tiranës. E konsiderova një lajthitje në kushtet e mungesës së informacionit dhe nuk replikova me zonjën në kohën kur lëshoi një sajesë të tillë. Kontratat janë publike dhe çdokush mund ta shohë që nuk është firmosur asnjëra prej meje. Sot, Tabaku vijoi me të tjera shashka teksa deklaroi se paskam firmosur koncesion të posaçëm për shitje energjie inceneratorit të Elbasanit për 25 vjet. Sërish mashtrim! Autorizimi i dhënë kompanisë për prodhim energjie nuk është koncesion por është detyrim i lindur nga kontrata bazë që kompania kishte firmosur me Ministrinë e Mjedisit. Në përfundim të periudhës 7-vjeçare të koncesionit, kompania bashkë me të drejtën e fituar nga autorizimi i dhënë nga Ministria e Energjisë për prodhim energjie i kalon shtetit shqiptar. Ka ndodhur tashmë fiks kështu. Kompania e inceneratorit të Elbasanit dhe e drejta e saj për prodhim energjie nga djegia e mbetjeve i është transferuar shtetit përmes pushtetit lokal ditën që përfundoi periudha e koncesionit. Me kënaqësi do jem javën e ardhshme në Komisionin Hetimor Parlamentar për të ja shpjeguar më tej zonjës Tabaku diferencën midis gënjeshtrës dhe të vërtetës!", tha Gjiknuri
Lajme të tjera
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Kthimi i tatimit të parapaguar për profesionet e lira, Tabaku: Fitore e PD dhe e tyre përballë një shumice arrogante, të bashkuar triumfojmë
22 Dhjetor, 14:39 -
Zgjedhjet e 11 Majit 2025/ Tabaku: Të rinjtë, në ballë të betejës për fushatën e PD-së
21 Dhjetor, 13:10 -
Projektligji për faljen e gjobave, Tabaku: I paqartë dhe selektiv, nuk mbron shtresat në nevojë, disa institucione si kamzhik! Po ata që i kanë paguar?
17 Dhjetor, 15:37 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Jorida Tabaku: Shumica nuk qeveris sipas barazisë përpara ligjit, Parlamenti nuk zbaton vendimet e Gjykatës Kushtetuese
15 Dhjetor, 10:21 -
Investimet strategjike, PS kërkon shtyrjen e ligjit, Tabaku kundër: Dhuratë për të privilegjuarit, përbuz 95% të shqiptarëve
14 Dhjetor, 10:37 -
Ambasada e SHBA-së dhe ajo gjermane mesazh në Ditën kundër Korrupsionit: Jemi bashkë në luftën ndaj tij! Van Horn: SPAK është anti korrupsioni
9 Dhjetor, 14:17 -
Qeveri teknike? Gjiknuri në Report Tv: S’ është në agjendën tonë! PS në gjendje të fitojë e vetme zgjedhjet 2025! Të avantazhuar përballë opozitës së përçarë
5 Dhjetor, 19:14 -
Lamtumira për politikanin dhe aktivistin tiranas Arben Tafaj! Politikanë, miq e bashkëpunëtorë të pranishëm në homazhe
4 Dhjetor, 13:24
-
Zgjedhjet 2025, PD cakton grupin e punës për fushatën e Tiranës, lista me 36 emra! Nga djali i Sokol Olldashit, Adriana Kalaja, te Asllan Dogjani nën akuzë nga SPAK
4 Dhjetor, 13:11 -
Rrëzohet me 69 vota amandamenti i Tabakut për zhvlerësimin e Euros: Këtë buxhet e ndjejnë vetëm qeveritarët, Fasonët dhe Bujqësia përtokë! Shalsi: U forcua leku
3 Dhjetor, 18:00
