POP 5

Lajmet më të lexuara të 5 minutave të fundit

Sport

Incidente, shtyrje dhe spektakël! Argjentina mposht 1-0 Kolumbinë në shtesë dhe fiton Kupën e Amerikës

Argjentina është fituese e Kupës së Amerikës për vitin e dytë radhazi. "Albiceleste" fituan 1-0 kundër Kolumbisë në finalen e madhe, teksa vendosi një gol i Lautaro Martinez në minutën e 112-të.

Incidente, shtyrje dhe spektakël! Argjentina mposht 1-0 Kolumbinë në shtesë dhe fiton Kupën e Amerikës

Festa e Argjentinës

MIAMI, SHBA - Argjentina është fituese e Kupës së Amerikës për vitin e dytë radhazi. "Albiceleste" fituan 1-0 kundër Kolumbisë në finalen e madhe, teksa vendosi një gol i Lautaro Martinez në minutën e 112-të.

Sfida në stadiumin e Miamit nisi me 1 orë e 20 minuta vonesë, kjo për shkak të kaosit që u krijua nga tifozët, të cilët kërkonin të futeshin në stadium me vonesë.

Përballja ishte e luftuar, me raste, por koha e rregullt u mbyll 0-0. Për Argjentinën Lionel Messi luajti vetëm 66 minuta, duke dalë pas një dëmtimi në kyçin e këmbës së djathtë.

Duhej shtesa dhe minuta e 112-të që Lautaro Martinez të shënonte golin e vetëm pas pasimit të Lo Celso, teksa më i miri në fushë u shpall Dibu Martinez, portieri i Argjentinës.

Kjo ishte humbja e parë për Kolumbinë pas 28 ndeshjeve radhazi, ndërsa lojtari më i mirë i turneut u shpall kolumbiani James Rodriguez.

Kësisoj Argjentina fiton për herë të dytë radhazi Kupën e Amerikës dhe për herë të 16-të në histori të tyre.

Skuadrat më të suksesshme në Copa America:

Argjentina – 16
Uruguai – 15
Brazili – 9
Kili – 2
Paraguaj – 2
Peru 2
Bolivia – 1
Kolumbia – 1

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34