POP 5

Lajmet më të lexuara të 5 minutave të fundit

Politikë

Skandali me listën e PD në Durrës: ‘Hyn’ me 27 kandidatë dhe del me 28! Mbin nga hiçi emri i Enri Çenos, djali i ish-gjyqtarit të korruptuar

Një skandal ka ndodhur gjatë procesit të votimit të kandidatëve që pritet të futen në listat e PD-së për zgjedhjet e ardhshme. Djali i ish gjyqtarit Petrit Çeno është futur në mënyrë 'kontrabandë' në listën e PD-së.

Një skandal ka ndodhur gjatë procesit të votimit të kandidatëve që pritet të futen në listat e PD-së për zgjedhjet e ardhshme.

Demokratët i janë nënshtruar një procesi për zgjedhjen e kandidatëve për deputetë, ku anëtarësia propozon emrat e kandidatëve për deputetë, komisioni bën vlerësimin dhe sërish degët votojnë emrat që kanë kaluar në fazat e mëparshme.

Por çuditërisht në qytetin e Durrësit, nga 27 kandidatë për të cilët njoftoi dje zyrtarisht dega e Partisë Demokratike në këtë qark, numri pas votimit sot doli 28 kandidatë.

Zbulohet se emri i shtuar është ai i Enri Çenos, djali i ish-gjyqtarit të Apelit Durrës, Petrit Çeno, i njohur për disa çështje, përfshirë edhe skandalin e biletave të Real Madrid-Barcelona, ku bashkë me dy gjyqtarë të tjerë do të shkonte për të parë ndeshjen me paratë e biznesmenit, Namik Sadiku. Për këtë skandal Petrit Ceno në tetor 2019 është dënuar me 3 vjet burg për korrupsion. Ne shkurt 2019, para se të dënohej, u shkarkua nga komisioni i pavarur i Vettingut pasi rezultoi se fshehu pasurinë. 

Enri Çeno kandidoi në Durrës në vitin 2017, por nuk u përzgjodh. Sot ai futet në listat e PD-së pa asnjë paralajmërim dhe pa kaluar procesin e votimit, për të cilën PD po mundohet aq shumë.

Që nga ngritja e komisionit të vlerësimit të kandidatëve dhe deri tek nisja e procesit të votimit të tyre nga anëtarësia e PD-së u cilësua nga selia blu si një nga proceset më të vlerësuar ku u jepnin mundësi demokratëve të thonin zërin e tyre. Madje demokratët e Bashës ngritën çdo ditë në media zërin se ky proces ishte aq i drejtë dhe pozitiv, sa partitë e tjera duhet të merrnin shembull prej saj.

Por duket se ky proces 'integrues' ngeci, apo tregoi vlerën e tij të 'vërtetë' në votimet në Durrës.

Ku nga 27 deputetë që iu paraqitën anëtarësisë në votim, te lista e fituesve dolën 28 kandidatë duke mbirë emri i Enri Çenos, djali i ish gjyqtarit të korruptuar. 

Ky në fakt është një skandal i vërtetë, ku nga njëra anë PD kërkon lista të hapura që qytetarët të thonë fjalën e tyre, dhe nga ana tjetër nuk i lë anëtarët e saj që të votojnë kandidaturat, por duke iu trembur një reagimi të tyre, preferon që t'i fusë ata fshehurazi në listat e tyre.

Votimet e PD janë cilësuar shpesh si farsë qesharake ku të gjithë kandidatët që garojnë, konfirmohen të gjithë, por mesa duket çështja është edhe më e rëndë, pasi ky skandal tregon se procesi është i manipuluar.

Procedurat e votimit nga ana e anëtarësisë në Durrës u ndoqën personalisht nga Sekretari i Përgjithshëm i PD-së Gazmend Bardhi, i cili duhet të shpjegoje tani futjen misterioze në listën e kandidateve të djalit të gjykatesit të korruptuar. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lemi: 05/10/2020 09:46

    O POPULL, NGATERRONI BIOGRAFINE E SISTEMIT KOMUNIST, ME BIOGRAFINE E HAJDUTERVE QE E ROPEN KET POPULL. KUSH JANE KETA DEMOKRATE QE VOTOJNE BIRIN E BABES QE VODHI GJYSMEN E DURRESIT ME PRONA E GJITHCKA?! POPULL MJERAN !!!

    Përgjigju
  • Denisi: 05/10/2020 09:26

    Filloi media si ne kohe te enverit me biografine e familjes. Suksese Enrit

    Përgjigju
    • alo alo: 05/10/2020 10:00

      Denisi, per ty kjo menyre perzgjedhje, pa u votuar, te duket gje normale ?

  • Lanfi: 05/10/2020 09:18

    Ja pra kush eshte pd-ja . Asnje vot nuk keni per te marre o te poshter , futini prap ne lista femijet e krimineleve

    Përgjigju
  • Si Lipe Shtogu .: 05/10/2020 08:32

    Ka qene mbrapa listes , prandaj s’e pa anetarsia .

    Përgjigju
  • Albani: 05/10/2020 08:26

    Djal I mir nofta dhe o ky tipi ka Durrsi po baba kti ska ngel pa e infektu dhe çunin e vet me histori qe Kur ta kesh ne dor ket popull te keqen babi mpije mos u lej pik gjaku ne trup,pastaj dardha nen bie thot populli nuk shko shum larg

    Përgjigju
  • Ops: 05/10/2020 06:10

    Ju shifni listen e ps, vetem gay dhe riminele ka gjithandej

    Përgjigju
    • Rika: 05/10/2020 07:39

      Ate tipin qe do rregullonte cilesine e diellit e keni ne liste?

  • Kot: 05/10/2020 00:08

    Henri eshte djal i mire dhe ska lidhje fare me cfare pretendohet se ka bere babai! Pastaj ne Pd ka dhene kontribut nuk mbiu nga hici! Gjithesesi me kete shkrim thjesht publicitet i beni

    Përgjigju
    • alo alo: 05/10/2020 09:58

      Ishte ne liste emri i tij apo jo ? Nese jo, ty te duket normale qe nje person te shpallet fitues pa u votuar nga asnje ?

    • Miku: 05/10/2020 01:40

      Djale i mire?? O shoku babai i tij e ka rrit me pambuk duke shkaterruar nje familje ne Plepa Megjithate aty do lahen te gjitha

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Akuzat e Bardhit për Olsi Ramën, Kryeministri: Kallëzim s’paska bërë thotë SPAK-u, iu është shitur si sapun për djathë italianëve! S’duhet të jetë burrë, thjesht çingije

Akuzat e Bardhit për Olsi Ramën, Kryeministri: Kallëzim s’paska bërë thotë SPAK-u, iu është shitur si sapun për djathë italianëve! S’duhet të jetë burrë, thjesht çingije

25 Prill, 19:07