Instituti i Shëndetit Publik ka reaguar pas lajmit nga “Numbeo” se Shqipëria renditet në vendin e 82 nga 84 qytetet që janë marrë në shqyrtim në Europë për sa i përket Indeksit të Shëndetit. Instituti i Shëndetit Publik thotë se Shqipëria ka përmirësuar indikatorët shëndetësorë, ndërsa shton se 'anketa online e “Numbeo” u plotësua nga 32 vizitorë të faqes'.
Reagimi i plotë i ISHP-së
Sipas të dhënave të publikuara në raportet e organizatave ndërkombëtare dhe agjencive të Kombeve të Bashkuara si OBSH, UNICEF, UNFPA, Banka Botërore, Shqipëria ka bërë progres të dukshëm gjatë viteve të fundit lidhur me rritjen e jetëgjatësisë së pritshme, uljen e vdekshmërisë në adultë dhe veçanërisht lidhur me rënien e vdekshmërisë foshnjore dhe fëminore. Të dhënat e këtyre organizatave janë të mbështetura në informacionin e marrë në databazat kombëtare dhe në informacion të zyrtarizuar. Këto janë agjencitë që kanë tagrin dhe mandatin për të monitoruar globalisht indikatorët e lidhur me shëndetin.
Referuar pikërisht informacioneve zyrtare të agjencive të OKB, pak muaj më herët u publikua edhe raporti i Bloomberg, i cili merr në konsideratë indikatorë të shëndetit të popullatës dhe faktorëve të riskut për të bërë renditjen e vendeve. Në këtë raport Shqipëria ka patur një rritje me 7 vende në renditjen e përgjithshme.
Në kontrast me sa më sipër, publikime apo raporte të tjera që hartojnë indekse të agreguara me qëllim krahasimi të sistemeve shëndetësore mes vendeve të ndryshme, janë jo vetëm metodologjikisht të dyshimta, por edhe të bazuara në burime informacioni jozyrtare. Më konkretisht, renditja e “Numbeo” të cilës i janë referuar portalet së fundmi, është një renditje e bazuar në një anketë me 10 pyetje të cilën mund ta plotësojë sipas perceptimit vetjak çdo vizitor i faqes. Kjo anketë është rezultat i perceptimit të 32 vizitorëve të kësaj faqe online.
Lajme të tjera
-
Nga forcimi i imunitetit te përmirësimi gjumit, njihuni me vlerat ushqyese të kivit
24 Dhjetor, 16:50 -
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
Studimi: Lumturia ul rrezikun e atakut kardiak dhe hemorragjisë cerebrale
12 Dhjetor, 18:23 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Nga shëndeti i zemrës te humbja e peshës si ndikon ecja në shëndetin tuaj
8 Dhjetor, 19:17 -
Farat e kungullit, përfitimet shëndetësore që vijnë nga konsumimi i tyre
7 Dhjetor, 08:15 -
Ushqimet që nuk duhen konsumuar kur keni dhimbje fyti
6 Dhjetor, 15:45 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Shenjat që tregojnë se trupi juaj është plot me toksina
2 Dhjetor, 10:40 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
