POP 5

Lajmet më të lexuara të 5 minutave të fundit

Bota

India ia kalon Kinës për numrin e popullisë

Me më shumë se 1.42 miliardë banorë India është tani vendi me popullsinë më të madhe në botë. Së shpejti vendi pritet të jetë edhe ekonomia e tretë më e madhe në botë

India ia kalon Kinës për numrin e popullisë

Ekonomikisht India nuk e ka arritur ende Republikën Popullore të Kinës, por për nga popullsia po. Madje sipas OKB-së që nga e premtja (14.06) India është me 1,425,775,850 banorë numri një për numrin e popullsisë në botë.

Jo të gjithë të gëzuar për rekordin

Edhe pse shumë vetë në Indi e pranojnë me kënaqësi se bota ka ndryshuar, jo të gjithë indianët e kanë pritur me padurim dhe gëzim këtë rekord. Shumë indianë rriten nën një presion dhe konkurrencë shumë të madhe. Atyre u duhet të luftojnë fort për të siguruar një vend në një shkollë të mirë, në spital madje madje thjesht në tren.

Megjithë rekordin e ri rritja e popullsisë në Indi që nga fundi i viteve 1980 ka ardhur duke rënë. Sipas anketave të fundit lindshmëria në Indi është 1.6 fëmijë për grua në qytete dhe 2.1 në zonat rurale. Po ashtu është rritur edhe mosha mesatare, kur një grua sjell në ketë fëmijën e parë. Faktorët për këtë janë edukimi si dhe emancipimi i shoqërisë.

Moshë mesatare e re

Popullsia e Indisë është gjithashtu më e re se në shumë vende të zhvilluara. Sipas World Population Review mosha mesatare në Indi është 28.7 vjeç. Për krahasim: në SHBA ajo është 38.5 vjeç, në Kinë 38.4 dhe në Zvicër 42.7 vjeç. Pra tani që Rusia ka pushtuar Ukrainën dhe Kina po forcohet, shumë vende perëndimore me një moshë mesatare më të lartë po përpiqen të thithin punëtorë të kualifikuar nga India. Për një të tillë shpreson edhe qeveria indiane, sepse në Indi ka mungesë vendesh pune për popullsinë e re të vendit./DW

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Kapiteneria pezullon tragetet Durrës - Bari! Linja Durrës-Ankona, Vlorë-Brindisi dhe anasjelltas vijojnë normalisht

Moti i keq/ Kapiteneria pezullon tragetet Durrës - Bari! Linja Durrës-Ankona, Vlorë-Brindisi dhe anasjelltas vijojnë normalisht

12 Janar, 08:59