Infeksioni nga koronavirusi/Vdes mjeku Italian, viktima e dytë nga rradhët e heronjve të emergjencës shëndetësore

Infeksioni i koronavirusit i ka marrë jetën sot mjekut Italian, Roberto Stella 67 vjeç, kreu i Urdhërit të Mjekëve italianë të provincës së Varese

Stella ishte një nga dy mjekët e infektuar në qendrën mjekësore të Bustio Arsizio dhe prej një jave po kurohej në terapi intensive.

Disa ditë më parë, një tjetër mjek italian mbeti viktimë nga koronavirusi. Ishte mjekja anesteziste, Chiara Filiponi, 57 vjeç, e cila punonte në një spital në rajonin e Venetos.

Sipas urdhërit të mjekëve italianë, ajo është viktima e parë e koronavirusit në këtë kategori profesionishtësh.

Deri më tani nuk ka ende një raport zyrtar se sa mjekë e infermierë janë të infektuar dhe në gjëndje karantine nga koronavirusi në Itali.

Lajmi kryesor:

OBSH shpall PANDEMI, Italia shton masat pas 827 viktimave dhe 10 590 të infektuar! Conte: Mbyllim gjithçka, përveç nevojave themelore (VIDEO)

TAG:
• itali
• Giuseppe Conte
• Lombardi
• koronavirusi
• Mbrojtja Civile Italiane