POP 5

Lajmet më të lexuara të 5 minutave të fundit

Ekonomi

Inflacioni dhe normat e interesit rrisin kreditë e këqija! BSH: Situata mund të përkeqësohet prej kostove të shtuara të jetesës

Megjithëse kreditë me probleme për shkak të inflacionit dhe normave të larta të interesit, u rritën lehtë në muajin gusht, Banka e Shqipërisë thotë se situata mund të përkeqësohet edhe më tej prej kostove të shtuara të jetesës dhe rënies së fuqisë paguese të kredimarrësve.

Megjithëse kreditë me probleme për shkak të inflacionit dhe normave të larta të interesit, u rritën lehtë në muajin gusht, Banka e Shqipërisë thotë se situata mund të përkeqësohet edhe më tej prej kostove të shtuara të jetesës dhe rënies së fuqisë paguese të kredimarrësve.

Çmimet e larta, kostot e shtuara të jetesës si dhe rritja e normave të interesit, po ndikojnë në cilësinë e kredisë në vend.

Sipas bankës së Shqipërisë në muajin gusht kredia me probleme u rrit përsëri, nga 5.2% që ishte arriti në 5.3%. Edhe në krahasim me një vit më parë raporti i kredive me probleme është në rritje, duke dëshmuar për një rënie të fuqisë paguese të individëve dhe bizneseve kredi marrëse.

Për Bankën e Shqipërisë ky përkeqësim i raportit të kredive të këqija ishte i pritshëm për shkak të inflacionit të lartë dhe të normave të interesit që janë rritur.

“Pritet që rritja e normave të interesit të ketë një efekt negativ në cilësinë e kredisë në afatin e mesëm, por ky efekt vlerësohet të jetë në vlera të moderuara”, thotë Banka e Shqipërisë.

Niveli i kredive me probleme deri në fund të muajit gusht përllogaritet në vlerën 38,4 miliardë lekë.

Edhe për muajit e ardhshëm pritet që të ketë një ulje të cilësisë së kredisë, dhe rrjedhimisht të rriten lehtë huatë e këqija pasi pasiguria prej inflacionit mbetet e lartë.

Sipas bankës prezenca e presioneve inflacioniste, shtrëngimi i kushteve të financimit dhe ecuria e luftës në Ukrainë, vazhdojnë të rëndojnë mbi konsumin dhe investimet, duke bërë që ekonomia të zgjerohet me ritme të ngadalësuara.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53