POP 5

Lajmet më të lexuara të 5 minutave të fundit

Inflacioni në Turqi arrin nivelin më të lartë në 24 vjet

Inflacioni në Turqi ka arritur një nivel vjetor prej 78.6 për qind në qershor të këtij viti, që është niveli më i lartë në 24 vjet

Inflacioni në Turqi arrin nivelin më të lartë në 24 vjet

Treg fruta-perimesh më Turqi

Inflacioni në Turqi ka arritur një nivel vjetor prej 78.6 për qind në qershor të këtij viti, që është niveli më i lartë në 24 vjet.

Këto të dhëna u publikuan të hënën, teksa politikat ekonomike të presidentit turk, Recep Tayyip Erdogan, po e rëndojnë situatën.

Vlerësimet jozyrtare të publikuara nga ekonomistët në Turqi tregojnë se rritja e çmimeve është dyfish më e lartë krahasuar me shifrat e prezantuara nga autoritetet.

Niveli i inflacionit i raportuar nga agjencia shtetërore turke e statistikave është e nivelit më të lartë që prej janarit të vitit 1998.

Në maj, inflacioni ishte 73.5 për qind dhe 15.0 për qind në fillim të vitit të kaluar.

Javën e kaluar, ministri i Ekonomisë, Nureddin Nebati, u zotua se çmimet e konsumit do të nisin të bien në dhjetor të këtij viti.

Sipas të dhënave zyrtare, rritja e inflacionit në qershor u nxit nga rritja prej 123.4 për qind e kostos së transportit dhe rritjes prej 94 për qind të pijeve joalkoolike

Kriza ekonomike në Turqi nisi kur Erdogan detyroi Bankën Qendrore që të merrte vendime për uljen e normave të interesit vitin e kaluar, si pjesë e “modelit të ri ekonomik” të prezantuar nga ai.

Por kjo politikë rriti çmimet e konsumit. Megjithatë, lideri turk nuk pranon modelin konvencional ekonomik dhe insiston se normat e larta të interesit shkaktojnë rritje të çmimeve.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Champions League/ Shakhtar 'i vjedh këpucët' Brestit, fiton edhe Leipzig kundër Sporting! Sot PSG - City, në fushë Interi dhe Milani

Champions League/ Shakhtar 'i vjedh këpucët' Brestit, fiton edhe Leipzig kundër Sporting! Sot PSG - City, në fushë Interi dhe Milani

22 Janar, 21:04