POP 5

Lajmet më të lexuara të 5 minutave të fundit

Ekonomi

Inflacioni sërish në rritje
2.2 për qind gjatë qershorit

INSTAT-i njoftoi se në muajin qershor çmimet e produkteve të “shportës” kanë qenë mesatarisht 2.2 për qind më të larta se një vit më parë në të njejtën periudhë. Indeksi i çmimeve të konsumit ka shënuar një ulje prej 0.8 përqindësh krahasuar me muajin e mëparshëm.
Inflacioni sërish në rritje <br />2.2 për qind gjatë qershorit
TIRANE - INSTAT-i njoftoi se në muajin qershor çmimet e produkteve të “shportës” kanë qenë mesatarisht 2.2 për qind më të larta se një vit më parë në të njejtën periudhë. Indeksi i çmimeve të konsumit ka shënuar një ulje prej 0.8 përqindësh krahasuar me muajin e mëparshëm. Ndryshimi vjetor në muajin qershor është 2.2 për qind, ndërkohë që një vit më parë ky ndryshim ishte 3.9 për qind. Krahasuar me muajin e mëparshëm: Indeksi i grupit “Ushqime dhe pije jo alkoolike” shënoi një ulje prej 1.8 për qind.

Brenda këtij grupi ulja më e madhe prej 12.2 për qind vërehet në nëngrupin ”zarzavate përfshirë patatet”. Këtu mund të përmendim uljen e çmimit të patëllxhaneve me 46.7 për qind, bishtajave me 44.8 për qind, specave me 36.9 për qind, domateve me 24.4 për qind, kastravecave me 14.2 për qind, etj, si pasojë e prodhimeve të stinës që kanë qenë më të pranishme në treg. Indeksi i nëgrupit ”fruta”. shënoi një ulje prej 1.2 për qind.

Çmimi i lëndëve djegëse shënoi një ulje prej 0.3 përqindësh në qershor, krahasuar me majin. Çmimi i naftës shënoi një ulje prej 2.7 për qind dhe çmimi i benzinës një ulje prej 2.2 për qind.

Me këtë nivel, inflacioni kthehet sërish në nivelet e pranuara si optimale nga Banka e Shqipërisë, që janë nga 2 deri në 4 për qind. Më parë, për 6 muaj rresht, inflacioni ka mbetur nën nivelin minimal të 2 përqindëshit, si pasojë e uljes së kërkesës së brendshme, si pasojë e uljes së aftësisë blerëse të shqiptarëve.
Rritja e inflacionit do të ulë efektin e rritjes së pagave dhe pensioneve, që ka hyrë në fuqi nga 1 korriku i këtij viti, në masat nga 1 deri në 5 për qind, sipas kategorive.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kremlini: Putini gati për bisedime për paqe me Ukrainën

Kremlini: Putini gati për bisedime për paqe me Ukrainën

25 Nëntor, 12:12