POP 5

Lajmet më të lexuara të 5 minutave të fundit

Ekonomi

Informaliteti me pagat thellon deficitin e pensioneve! Eksperti: Kjo luftë të jetë prioritet! ISSH: Deficiti i skemës së pensioneve do vijojë deri në 2045

Informaliteti në paga, dhe deklarimi jo real i tyre, po ndikon negativisht në skemën e pensioneve. Databassa e pagave tregoi se shumë profesione të mirë-paguara në vend, deklaronin si rrogë mujore 30 mijë lekë, dhe për pasojë kontributi në sigurime është minimal.

Mos deklarimi real i pagave, përpos evazionit që kryhet ndikon negativisht edhe tek skema e pensioneve. Skandali me publikimin e 2 databazave të pagave, zbuloi profesione si për shembull pedagog që deklarojnë vetëm 30 mijë lekë si rrogë mujore ndërkohë që marrin shumë më tepër. Ky nën-deklarim ndikon në skemën e pensioneve, pasi kontributi në sigurime është minimal, ndërsa shpenzimet për pensione rriten.

“Duhet të merret seriozisht kjo skemë e cila tashmë po vuan nga mungesa e likuiditetit dhe nuk mundet të furnizohet gjithë kohës nga buxheti i shtetit, ndërkohë që buxheti duhet të kishte prioritete të tjera përtej atyre që janë miratuar, dhe vetë skema duhet të kontribuojë vetë, në momentin që skema ka shumë dobësi kuptohet që pagat do e ushqejnë më së shumti”, shprehet eksperti fiskal Eduart Gjokutaj.

Deficiti i kësaj skeme sipas Institutit të Sigurimeve Shoqërore këtë vit do të jetë sa 1.67% e GDP-së së vendit.

“Deficiti i skemës për këtë vit parashikohet në 1.66 apo 1.67% të GDP-së së vendit. Deficiti nuk do të bëhet zero pas 5 vitesh, por është parashikuar që rreth vitit 2045 të kemi një balancim të shpenzimeve dhe të ardhurave”, thotë drejtori i ISSH-së.

Kjo problematikë sipas ekspertit fiskal Eduart Gjokutaj, nuk është trajtuar me seriozitet nga asnjë qeveri.

“Pjesa e informalitetit është një pjesë që nuk është arritur të adresohet nga asnjë qeveri. Duhet luftuar informaliteti jo vetëm tek pagat por tek ekonomia në përgjithësi, pasi porsa kohë vuan nga kjo plagë nuk mund të mbart dot të gjitha ato angazhime që ka qeveria”, tha Gjokutaj.

Në gjashtëmujorin e parë të këtij viti deficiti i pensioneve ishte 12.6 miliardë lekë me një rritje prej 2.3 miliardë lekësh në raport me vitin 2020. Ndërkohë sipas të dhënave të INSTAT, vitin e kaluar niveli i informalitetit në sektorin jo-bujqësor ishte 29,1%.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Foreign investment (FI): 28/12/2021 01:41

    Duhen rriten FI (investimet e huaja) dhe për 5-8 vite nuk ndjehet shume ky deficit, mos harro që ne komunizem nuk kishte kontribute prandaj u nda pension fshatit dhe qytetet !

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Sekretari Blinken viziton Japoninë

Sekretari Blinken viziton Japoninë

7 Janar, 18:20