POP 5

Lajmet më të lexuara të 5 minutave të fundit

Ekonomi

INSTAT: Ekonomia bie me 0.2%
Industria dhe Ndërtimi në pikiatë

Ekonomia shqiptare ka shënuar një rënie në masën 0.2 për qind në fund të marsit 2012, krahasuar me fundin e tremujorit të parë të vitit 2011, ndërsa krahasuar me tremujorin e katërt të vitit 2011, rënia ka qenë edhe më e shpejtë, duke u ulur me 1.2 përqind, njoftoi sot INSTAT-i.
INSTAT: Ekonomia bie me 0.2% <br />Industria dhe Ndërtimi në pikiatë
TIRANE - Ekonomia shqiptare ka shënuar një rënie në masën 0.2 për qind në fund të marsit 2012, krahasuar me fundin e tremujorit të parë të vitit 2011, ndërsa krahasuar me tremujorin e katërt të vitit 2011, rënia ka qenë edhe më e shpejtë, duke u ulur me 1.2 përqind, njoftoi sot INSTAT-i.

Në këtë tremujor, dega që kanë pasur rritjen më të lartë ishte tregtia me 5.3 krahasuar me tremujorin e parë të vitit 2011. Degët që u paraqitën me rënie në këtë tremujor krahasuar me të njëjtin periudhë të një viti më parë janë industria, ndërtimi, post-komunikacioni dhe transporti respektivisht me 19.3 përqind, 17.6 përqind, 4.8 përqind dhe 1.7 përqind. Dega e ndërtimit, industrisë, transportit, post-komunikacionit dhe e tregëtisë u shfaqën me rënie krahasuar me tremujorin para-ardhës respektivisht me 7.1 përqind, 5.4 përqind, 4.3 përqind, 1.0 përqind dhe 0.6 përqind.

Dega e bujqësisë për këtë tremujor u rrit me 4.5 përqind, kundrejt tremujorit të parë të vitit 2011dhe 1.6 përqind kundrejt tremujorit para-ardhës. Grupi i industrive pati rënie me 19.3 përqind në tremujorin e parë të vitit 2012 krahasuar kjo me tremujorin e parë të 2011. Ndërsa krahasuar me tremujorin e katërt të vitit 2011, dega e industrisë pati një rënie me 5.4 përqind.

Aktiviteti i ndërtimit në tremujorin e parë të vitit 2012 pati rënie me 17.6 përqind krahasuar me tremujorin e parë të vitit 2011 dhe me 7.1 përqind krahasuar me
tremujorin e katërt të vitit 2011.

Tregti, Hotele dhe Restorante
Ky grup pati një rritje prej 5.3 përqind në tremujorin e parë të vitit 2012 krahasuar me të njëjtin tremujor të një viti më parë dhe një rënie prej 0.6 përqind krahasuar me tremujorin e katërt të vitit 2011.

Transporti
Aktiviteti i transportit në tremujorin e parë të vitit 2012 u ul me 1.7 përqind krahasuar me të njëjtin tremujor të një viti më parë dhe pati një rënie me 4.3 përqind ndaj tremujorit para-ardhës.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

25 Nëntor, 12:36