POP 5

Lajmet më të lexuara të 5 minutave të fundit

Ekonomi

INSTAT: Eksporti mbahet
me shitjen e mineraleve

Eksportet sërish ruajnë trendin rritës, edhe gjatë muajit gusht, por si tetëmujor ajo që po ”mban gjallë” shitjet e mallrave jashtë vendit është sektori i mineraleve të papërpunuara dhe naftës bruto.
INSTAT: Eksporti mbahet <br />me shitjen e mineraleve
TIRANE- Eksportet sërish ruajnë trendin rritës, edhe gjatë muajit gusht, por si tetëmujor ajo që po ”mban gjallë” shitjet e mallrave jashtë vendit është sektori i mineraleve të papërpunuara dhe naftës bruto. INSTAT shpalli statistikat e tregtisë së jashtme për muajin e kaluar, sipas të cilit rezulton që eksportet të kenë shënuar një rritje prej 5.8% për periudhën janar-gusht 2011, në raport me të njëjtën periudhë të një viti më pare. Ritmi i rritjes së eksporteve është gjallëruar disi në raport me muajt e parë të vitit, por mbetet më i ulët në krahasim me rritjen dyshifrore të një viti më parë.

Ecuria kryesore pozitive në eksport po vjen kryesisht nga sektori i mineraleve dhe lëndëve djegëse, kryesisht si rrjedhojë e ecurisë së eksporteve të naftës. Sipas INSTAT, eksportet e grupmallit “minerale, lëndë djegëse dhe energji” u rritën me 28% me bazë vjetore në rreth 48.5 miliardë lekë. Ky grupmall përbënte 35% të totalit të eksporteve në fund të muajti gusht, duke kaluar në sektorin më të rëndësishëm të eksporteve shqiptare.

Ndërkohë, fasonet po vuajnë krizën që prej një viti. Eksportet e tekstile e këpucëve ranë me 5.1% me bazë vjetore në 41.2 miliardë lekë për periudhën janar-gusht, duke humbur vendin e parë në eksportet shqiptare sipas grupmallrave.

Edhe grupmalli tjetër i rëndësishëm, ai “materiale ndërtimi e metale” ka shënuar rënie, i ndikuar dhe nga ndërprerja e eksporteve të çimentos drejt Kosovës për rreth dy muaj, si rrjedhojë e vendosjes së taksës prej 35% nga pala kosovare. Eksportet e këtij grupmalli ranë me 9% në tetë muajt e parë të vitit, në krahasim me janar-gusht 2011.

INSTAT tha se, lidhur me ecurinë njëmujore, në gusht 2012 u eksportuan 17 miliardë lekë mallra, me ulje 12.7 për qind në krahasim me korrikun 2012, por rritje me 26.9 për qind në krahasim me gushtin 2011. Në të njejtën periudhë, u importuan 45.3 miliardë lekë mallra, me ulje 5 për qind në krahasim me kjorrikun 2012 dhe ulje 1.9 për qind në krahasim me gushtin 2011.

Si rezultat i kësaj ecurie, defiçiti tregtar i këtij muaji është 28.3 miliardë lekë, duke shënuar rritje 0.4 për qind krahasuar me muajin paraardhës dhe ulje 13.8 për qind krahasuar me gushtin e vitit 2011.

Partnerët kryesorë tregtarë vazhdojnë të jenë Italia dhe Greqia. Tregtia me Italinë është 33.1 për qind, ndërsa me Greqinë është 7.1 për qind e totalit.
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK me 19 urdhër arreste, masë sigurie për Suel Çelën

Operacioni i SPAK me 19 urdhër arreste, masë sigurie për Suel Çelën

25 Nëntor, 21:22