Ministrja për Evropën dhe Punët e Jashtme, Olta Xhaçka ishte sot në Bruksel për mbledhjen e Këshillit të Punëve të Jashtme të BE dhe u takua me homologun grek Nikos Dendias. Biseda e tyre është përqendruar në çështjen e arrestimit të Fredi Belerit, kandidatit fitues të zgjedhjeve në Himarë por që është nën akuzë për blerje votash. Xhaçka thotë se gjatë bisedës u shpreh se kjo është një çështje gjyqësore që nuk duhet të ndikojë në faqen e re që kemi hapur në marrëdhëniet tona dypalëshe.
"Kjo nuk është as çështje e të Drejtave të Njeriut, as politike, e jo më një çështje dypalëshe. Beleri gëzon të njëjtat të drejta si çdo qytetar tjetër shqiptar dhe asnjë qytetar shqiptar nuk është mbi ligjin. Blerja e votës është një shkelje e rëndë e ligjit tonë dhe çështja e tij tashmë është në gjykatë. E vetmja gjë që ne të gjithë mund të bëjmë është të presim me durim që procesi të ecë në rrjedhën e tij dhe të mos paragjykojmë apo hamendësojmë atë", ka shkruar Xhaçka në lidhje me takimin.
Ministria e Jashtme greke ka reaguar ashpër rreth vendimit të GJKKO-së për lënien në burg të Fredi Belerit, nën akuzën e blerjes së votave në Himarë. Në një reagim zyrtar thonë se është një goditje për drejtësinë publike dhe perceptimin evropian për shtetin e së drejtës.
"Zgjatja e paraburgimit të Fredi Belerit, tashmë i zgjedhur kryetar i Bashkisë Himarë, godet sensin e drejtësisë të publikut dhe perceptimin evropian të shtetit të së drejtës” shkruhet në reagim.
Këshilli i Punëve të Jashtme të BE u mblodh sot në Bruksel ku ministrat e vendeve anëtare diskutuan për situatën në rajonin e Ballkanit Perëndimor. Në këtë takim morën pjesë ministrat e Punëve të Jashtme nga gjashtë vendet e Ballkanit Perëndimor.
Zyrtarë të BE konfirmuan se temat kryesore që u diskutuan ishin procesi i normalizimit të raporteve mes Kosovës dhe Serbisë, situata në Bosnje e Hercegovinë, bashkëpunimi rajonal dhe ndikimi i Rusisë në rajonin e Ballkanit Perëndimor.
Të gjitha vendet e rajonit, përveç Serbisë, kanë mbështetur sanksionet e BE kundër Rusisë, si dhe përshtatja e Serbisë me qëndrimet e BE-së në politikën e jashtme është zbehur. BE ka shprehur shqetësim edhe për kërcënimet në Bosnje e Hercegovinë për rrezikun e integritetit territorial nga lideri i Serbëve Milorad Dodik.
Ministrja e Punëve të Jashtme, Olta Xhaçka, ka publikuar në rrjetet sociale disa foto nga takimet e nivelit të lartë që ka zhvilluar në Bruksel. Xhaçka thotë se në bisedat me homologët evropianë është vendosur theksi të stabiliteti në Ballkan dhe bashkëpunimi rajonal.
“Diskutim konstruktiv në Bruksel me Ministrat e Jashtëm të BE-së dhe Ballkanit Perëndimor mbi sfidat e përbashkëta të sigurisë dhe mënyrat se si të forcojmë bashkëpunimin tonë. Stabiliteti në rajonin tonë është kritik në kontekstin aktual të sigurisë dhe duhet të mbështetet fuqimisht nga BE”, ka shkruar Xhaçka.
Ministrja e Jashtme, Olta Xhaçka ka zbardhur bisedën me ministrin Nikos Dendias për cështjen e Fredi Belerit.
"Bruksel, takimi me mikun dhe kolegun tim, Ministrin e Punëve të Jashtme të Greqisë, Nikos Dendias ishte një mundësi shumë e mirë për të diskutuar mbi çështjen “Beleri”.
Theksova qartazi se kjo është një çështje gjyqësore që nuk duhet të ndikojë në faqen e re që kemi hapur në marrëdhëniet tona dypalëshe.
Kjo nuk është as çështje e të Drejtave të Njeriut, as politike, e jo më një çështje dypalëshe. Z. Beleri gëzon të njëjtat të drejta si çdo qytetar tjetër shqiptar dhe asnjë qytetar shqiptar nuk është mbi ligjin.
Blerja e votës është një shkelje e rëndë e ligjit tonë dhe çështja e tij tashmë është në gjykatë.
E vetmja gjë që ne të gjithë mund të bëjmë është të presim me durim që procesi të ecë në rrjedhën e tij dhe të mos paragjykojmë apo hamendësojmë atë", tha Xhaçka.
Ministri i Jashtëm grek Nikos Dendias u takua me ministren e Jashtme shqiptare Olta Xhaçka në margjinat e Këshillit të Punëve të Jashtme në Bruksel. Ashtu siç ishte paralajmëruar, gjatë diskutimit është folur edhe për arrestimin e Fredi Belerit. Foto e takimit janë ndarë nga ministria e Jashtme Greke.
“Në margjinat e takimit të sotëm të BE në Bruksel, Nikos Dendias u takua me homologen e Shqipërisë Olta Xhaçka. Gjatë diskutimit u ngrit çështja për kryetarin e zgjedhur të Bashkisë Himare, Fredi Beleri”, shkruan ministria Greke.
On the sidelines of today’s #EU #FAC Meeting in #Brussels, FM @NikosDendias met w/ #Albania counterpart @hacka_olta. Τhe issue concerning the elected Mayor of Himare, Fredi Beleri, was raised during the discussion pic.twitter.com/mwrDTI9iMd
— Υπουργείο Εξωτερικών (@GreeceMFA) May 22, 2023
Ministri i Jashtëm i Greqisë, , Nikos Dendias, i cili merr pjesë sot në në Këshillin e Punëve të Jashtme të BE-së ka deklaruar se në takimin me kolegët e Ballkanit Perëndimor do të ankohet për arrestimin e fituesit të zgjedhjeve për Bashkisë Himarë, Fredi Beleri. Ai thotë se do të ketë edhe një takim me homologen shqiptare Olta Xhaçka, me të cilën paralajmëron një bisedë interesante pas zhvillimeve të fundit.
“Sot do të diskutojmë me kolegët në Këshill për çështjen e Ballkanit Perëndimor. Do të shfrytëzoj rastin për të ngritur qartë çështjen e ndalimit të kryetarit të zgjedhur të Bashkisë Himarë, z. Beleris. Dhe prej andej, kam ndërmend të takohem më pas me homologen time shqiptare. Mendoj se do të jetë një bisedë shumë interesante”- tha Dendias.
Ministrja për Evropën dhe Punët e Jashtme, Olta Xhaçka, merr pjesë sot në takimin informal të Ministrave të Jashtëm të vendeve anëtare të BE me Ministrat e Jashtëm të vendeve të Ballkanit Perëndimor, në kuadër të Këshillit të Çështjeve me Jashtë të BE-së, në Bruksel.
Në këtë takim do të trajtohen çështje të bashkëpunimit rajonal, integrimit evropian, çështje të sigurisë etj.
Pas takimit, kryediplomatja shqiptare Xhaçka do të zhvillojë edhe një takim dypalësh me Komisionerin Evropian për Fqinjësinë dhe Zgjerimin, Oliver Varhelyi.
Lajme të tjera
-
Tirana e tre samiteve brenda 135 ditëve! Çfarë përfitoi Shqipëria?
4 Mars, 10:02
-
Mungoi në samitin në Tiranë, deputeti i PDK-së: Kurti i papërgjegjshëm! Do të na hedhë hi syve sikur sjanë prishur raportet me SHBA
1 Mars, 14:35 -
Drejtoresha e CEFTA-s: Një treg i përbashkët Rajonal për integrimin e shpejtë në BE, 20 nisma konkrete për bizneset dhe qytetarët
1 Mars, 11:11 -
Tirana si kryeqytet i samiteve dhe Shqipëria në dy kohë
29 Shkurt, 21:48
-
Tirana 'kryeqyteti i dy samiteve', analisti Nurellari: E shohin si qendër rajonale! Baçi: Për t'i tërhequr vëmendjen Ramës! Krashi: Historike për rajonin
29 Shkurt, 21:24 -
Mero Baze: Mbi të pakënaqurit nga Perëndimi, që ka zbarkuar në Tiranë
29 Shkurt, 20:13
-
Samiti BE-Ballkani Perëndimor/ Të ftuarit në “Përballje”: Interes në rritje për këtë pjesë të Evropës
29 Shkurt, 14:51 -
Fatos Çoçoli: Çfarë përfitojmë nga Samiti i sotëm?
29 Shkurt, 14:06
-
Mungoi në samitin BE-Ballkani Perëndimor në Tiranë, opozita ‘kryqëzon’ Kurtin: Idhnak, po na prish punë
29 Shkurt, 14:04 -
'Në Bruksel ka dakordësi për hapjen e negociatave' Varhelyi- Greqisë: Nuk ndërtohen marrëdhënie të mira me fqinjët nëse i bllokon
29 Shkurt, 12:34 -
VIDEO+ FOTOT/ Varhelyi ngatërron rrugën, Rama shkrihet së qeshuri! Çfarë s’u pa nga pritja e liderëve
29 Shkurt, 12:09 -
'Nuk ka drekë falas në BE, vetëm jemi të vegjël!' Fjalimi i Edi Ramës në Samiti Rajonal mbi Planin e Rritjes
29 Shkurt, 12:05
