POP 5

Lajmet më të lexuara të 5 minutave të fundit

Sport

Inter i brishtë në derbi, Inzaghi: Humbje që djeg, na mungon vazhdimësia! Mourinho gjen alibi: Mungesa e Dybala-s vendimtare

Inter ka rezultuar i brishtë në derbin e Italisë, pasi Juventus e mposhti 2-0 dhe e parakaloi në renditje. Sakaq derbin e kryeqytit Lazio e fitoi 0-1 kundër Romës, ndërsa në Premier League Liverpool mori 3 pikët e para për këtë sezon në transfertë.

Derbi i Italisë i ka takuar Juventusit, një skuadër që tani duket se është ringjallur. “Zonja e Vjetër” mposhti pastër 2-0 Interin në javën e 13 të Seria A dhe për pasojë e parakalojë në renditje.

Në ‘Allianz Arena’ pjesa e parë u mbyll pa gola pavarësisht se Dumfries humbi një rast të artë për Interin, ndërsa në pjesën e dytë një kundërsulm u konkretizua në gol nga Rabiot. Goli ç’orentoi zikaltërit dhe Danilo në një moment dyfishoi, por VAR e anuloi për prekje me dorë. Gjithsesi në minutën e 84 Fagioli vulosi 3 pikët për skuadrën e Allegrit, që deri të dielën kishte humbur 3 derbit e fundit, ndërsa për Interin kjo ishte disfata e rradhës ndaj skuadrave me emër në kampionat. Trajneri Inzaghi tha se ‘ishte kjo ishte një humbje e rëndë që djeg’ dhe shtoi se skuadrës ‘i mungon vazhdimësia’.

Me këtë fitore Juventus u ngjit në vendin e pestë me 25 pikë, 1 më shumë se Interi i vendit të shtatë.

Ndërkohë po në Seria A derbi i kryeqytetit Roma-Lazio u fitua nga lacialët me rezultatin minimal 0-1. Golin vendimtar e realizoi Felipe Anderson, ndërsa Roma pavarësisht përpjekjeve nuk la dot shenjë. Në fund Jose Mourinho tha se mungesa e Dybala-s e penalizoi shumë ekipin, ndërsa Lazio me këtë fitore renditet e treta me 8 pikë më pak se Napoli kryesues.

Sakaq në Premier League supersfida mes Tottenham dhe Liverpool u fitua 1-2 nga ‘The Reds’. Në Londër shkëlqeu Salah, i cili realizoi ‘dopietë’ në pjesën e parë, ndërsa Kane ngushtoi në të dytën, por që vlejti sa për statistikë, pasi ekipi i Conte-s nuk e shmangu dot humbjen. Kjo ishte edhe fitorja e parë në transfertë e Liverpool për këtë sezon në Premier  League.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Në Francë e bëjnë të sigurt, Didier Deschamps largohet nga kombëtarja

Në Francë e bëjnë të sigurt, Didier Deschamps largohet nga kombëtarja

8 Janar, 08:33