POP 5

Lajmet më të lexuara të 5 minutave të fundit

Sport

Inter kërkon zëvendësuesin e Handanovic, Strakosha në ‘top’ list

Pavarësisht se gjithçka po shkon më së miri te Interi nuk ka kohë për pushime. Drejtuesit po punojnë për të sjellë një portier në Milano dhe emri që përflitet është ai I Strakoshës. Shqiptari shihet si zëvendësuesi ideal i 35-vjeçarit Handanovic. 
 

Inter kërkon zëvendësuesin e Handanovic, Strakosha në ‘top’ list

Tomas Strakosha

Atmosfera te skuadra e Interit është nga më pozitivet në vitet e fundit. Skuadra zikaltër të dielën mori fitoren e 7 radhazi në të gjitha kompeticionet, por pavarësisht këtij fakti drejtuesit po mendojnë që tani për të përforcuar skuadrën në merkaton e verës. 

Në radarët e zikaltërve sipas mediave italiane është portieri i Lacios dhe kombëtares shqiptare, Thomas Strakosha. Sipas “Calciomercato” problemi nuk është te paraqitjet e Handanovic, por te mosha e sllovenit. Portieri aktual është 35 vjeç dhe drejtuesit e skuadrës zikaltër po kërkojnë dikë me perspektivë, ndaj Strakosha është në krye të listës. 

Për 23 vjeçarin shqiptar Interi ka shfaqur interes edhe më herët, por duket se vera e ardhshme do të jetë momenti i duhur. Por nëse për Strakoshën nuk ka ende një marrëveshje, e kundërta mund të thuhet për administratorin e deleguar të ziklatërve. Pas shumë spekulimeve mësohet se në janar do të prezantohet Bepe Marota.

I konsideruar si ‘truri’ i Juventusit, Marota, brenda pak ditësh do të mbyllë bashkpunimin me ‘zonjën e vjetër’ dhe më pas do të marrë disa ditë pushim para se të kalojë te zikaltërit. Kalimi I italianit te Interi shihet nga mediat fqinje si një lëvizje shumë e zgjuar e klubit nga Milano. Në të njëjtën kohë, konsiderohet si një gabim i Juventusit që e lejoi Marotën të largohet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça