Zikaltrit mundën në "San Siro", Sampdorian me rezultatin 3-2, Interi arriti të shënonte tre gola të njëpasnjëshëm me autorë mbrojtësin Skriniar dhe një dopjetë të kapitenit Icardi.
Por, Sampdoria ngushtoi diferencën në minutën e 64’ me anë të Kownacki dhe në 84-ën Fabio Quagliarela rihapi sfidën duke ngushtuar diferencën me një gol por që nuk mundën të dalin me pikë nga San Siro.
Me këtë fitore Interi shkon në kuotën e 26 pikëve në 10 ndeshje, me 8 fitore dhe dy barazime.
Skuadra e milanos ka marrë kryesimin e kampionatit, ndërkohë që Napoli ndodhet e dyta në tabelë më një pikë më pak dhe po ashtu një ndeshje më pak.
Interi po tregon formë të mirë në drejtimin e teknikut Luciano Spalleti këtë kampionat pas një viti zhgënjyes ku u rendit në vendin e 7-të
Redaksia Online
a.dr/shqiptarja.com