POP 5

Lajmet më të lexuara të 5 minutave të fundit

Sport

Interi dhe Atalanta në Champions, Milani jashtë

Interi e Atalanta në Champions League dhe Milani jashtë. Java që dha verdiktet në Serinë A ishte dramatike. Interi mposhti me vështirësi Empolin 2-1 duke e rrëzuar në Serinë B. Për herë të parë në histori në Champions do luajë Atalanta ndërkaq Milani e Roma duhet të mjaftohen me kalimin në Europa League.

Interi dhe Atalanta në Champions, Milani jashtë

Inter në Champions mes drithërimash, Atalanta për herë të parë në Europën që vlen , jashtë mbetet Milani. Këto janë verdiktet e zonës së Europës në mbyllje të Serisë A. Festojnë zikaltërit ndërsa shpërthen në lot Empoli. Ajo që ndodhi në “San Siro” ishte një çmenduri e vërtete, Interi vuan shumë por mposht 2-1 Empolin dhe kualifikohet në Champions duke rrëzuar në Serinë B Empolin e Veselit. Në pjesën e parë zikaltërit përplasen tek portieri i Empolit Dragoëski ndërsa në fraksionin e dytë Keita zhbllokon sfidën në minutën e 51-të ndërsa 10 minuta më vone Icardi humbet penallti. Empoli ngrin të pranishmit në “San Siro” pasi barazon me Traore në të 76-tën por Nainggolan realizon 10 minuta nga fundi. Më pas Handanovic është super dhe Interi kalon në Champions mes drithërimash ndërsa Empoli i jep lamtumirën Serisë A. Gjatë javës pritet largimi i Spallettit dhe zyrtarizimi i Contes në pankinë.

Për herë të parë në histori në Champions do të luajë edhe Atalanta. Bergamaskët e mbyllën sezonin të tretët pasi mposhtën në ndeshjen e fundit Sassuolon 3-1 falë golave të Zapata ,Gomez dhe Pasalic. Në Champions shkojnë edhe Berisha e Gjimshiti me mbrojtësin që ka qënë një nga lojtarët kryesor në arritjen e suksesit. Jashtë Championit mbetet Milani. Kuqezinjtë megjithëse e bënë detyrën duke fituar në transfertë ndaj Spal 3-2 nuk e kishin fatin në dorën e tyre dhe do luajnë në Europa League sezonin e ardhshëm. Në ndeshjen ndaj Spal dy herë shënoi Kessie dhe një gol e shtoi Calhanoglu. Në Europa League do luajë edhe Roma që në ndeshjen e fundit fitoi 2-1 ndaj Parmës ndërsa Juventusi kampion e mbylli me humbje pasi u mposht 2-0 nga Sampdoria./ Përgatiti Andi Kapxhiu

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Shkodër/ Vranë 33 vjeçarin se u prishi martesën e motrës, fotot e dy vëllezërve të arrestuar

Shkodër/ Vranë 33 vjeçarin se u prishi martesën e motrës, fotot e dy vëllezërve të arrestuar

7 Janar, 14:00