POP 5

Lajmet më të lexuara të 5 minutave të fundit

Sport

Interi ngec dhe kompromenton Champions, City një hap larg titullit

Interi ngec sërish. Zikaltërit barazuan pa gola ndaj Atalantës në transfertë dhe kompromentojnë objektivin Champions. Në Angli, Manchester City mund 3-1 Tottenham dhe është një hap larg titullit kampion.
Interi ngec dhe kompromenton Champions, City një hap larg titullit

Interi ngec ndaj Atalantës në një barazim pa gola dhe ngjitet në kuotën e 60 pikëve. Në pjesën e parë është Atalanta që ka rastet më të mira për të shënuar ndërsa Interi shfaqet rrezikshëm në dy raste me Perisic. Atalanta e Berishës e ul ritmin në fraksionin e dytë por Interi nuk përfiton duke shkuar në tre ndeshje radhazi që nuk shënon dhe kompromenton kualifikimin në Champions.

Në ndeshjet e javës së 34-të në Premier League Manchester City mposht 3-1 Tottenham në Londër dhe tashmë është vetëm një hap larg titullit kampion. Në “Wembley” djemtë e Guardiolës marrin një avantazh të dyfishtë me golat e Gabriel Jesus dhe Gundogan ndërsa Eriksen mban gjallë shpresat e Tottenham. Megjithatë në pjesën e dytë goli i Sterling mbyll llogaritë. Buzëqesh edhe Liverpool që fitoi 3-0 ndaj Bournemouth ndërsa Chelsea përmbysi Southampton duke fituar 3-2.

Me titullin të fituar që një javë më parë Bayerni i Mynihut nuk ndalet në Bundesligë dhe shkatërron edhe Borussia Mönchengladbach duke e mundur 5-1 në “Allianz Arena”. Drmic kaloi miqtë në avantazh por më pas erdhën golat e bavarezëve . Dy herë shënoi Sandro Wagner dhe nga një gol e shtuan Thiago Alcantara , Alaba dhe Lewandowski.

Pas eliminimit nga Champions, Barcelona rikthehet të buzëqeshë në La Liga duke mundur 2-1 Valencian. Luis Suarez shënon në pjesën e parë dhe më pas dyfishon Umtiti ndërsa goli i Parejo për miqtë erdhi shumë vonë. Blaugranët kryesojnë me 82 pikë dhe vendosin record me 39 ndeshje pa humbje në kampionat.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Veliaj: Dje në emisione ishte mbledhur gjithë llumi bashkë, me analistë që e kanë hallin e përfitimit të tyre, jo të qytetarëve

Veliaj: Dje në emisione ishte mbledhur gjithë llumi bashkë, me analistë që e kanë hallin e përfitimit të tyre, jo të qytetarëve

30 Prill, 18:21