POP 5

Lajmet më të lexuara të 5 minutave të fundit

Sport

Interi ngec edhe me Fiorentinën dhe ndan kreun me Juven, Reali barazon me Valencian

Interi ngec sërish. Zikaltërit nuk shkuan më shumë se barazimi 1-1 ndaj Fiorentinës në transfertë. Interi mbetet në kryesim por me pikë të barabarta me Juventusin. Real Madrid barazon me Valencian në prag të “El Clasicos” ndërsa fiton Manchester City në Angli.

Interi ngec edhe me Fiorentinën dhe ndan kreun me Juven, Reali barazon me Valencian

Dy barazime radhazi për Interin kryesuesin e Serisë A. Pas Romës zikaltërit kanë ngecur edhe ndaj Fiorentinës në transfertë me rezultatin 1-1. Borja Valero zhbllokoi rezultatin që në minutën e 8-të por djemtë e Contes nuk shfrytëzuan rastet e krijuara dhe Fiorentina barazoi në kohën shtesë. Sulmuesi Vlahovic pas një galopimi mposht edhe Handanovic dhe mbyll gjithçka në barazim. Interi ndan vendin e parë me Juventusin.

Roma ngjitet në vend të katërt në zonën Champions. Verdhekuqtë fituan me përmbysje ndaj Spal 3-1 dhe kapin kuotën e 32 pikëve. Petagna kaloi skuadrën e Berishës në avantazh por në pjesën e dytë ekipi i Fonseca-s shënoi tre herë me Lorenzo Pellegrinin, Perotti-n dhe Mkhitaryan duke siguruar tri pikët.

Në La Liga sulmuesi Karim Benzema shpëtoi Real Madrid. Madrilenët nuk shfrytëzuan dot mundësinë për të marrë të vetëm kryesimin. Valencia-Real u mbyll 1-1 në “Mestalla” ku për vendasit shënoi Carlos Soler dhe në frymën e fundit barazoi Benzema. Të mërkurrën në 20:00 luhet “El Clasico”.

Dy gola dhe një passim për gol. Kevin De Bruyne mundi i vetëm Arsenalin në Premier League. Manchester City triumfoi 3-0 në Londër dhe rikthehet tek fitorja duke u ngjitur në kuotën e 35 pikëve në vend të tretë por mbetet 14 pikë larg Liverpool-it kryesues. /Përgatiti Andi Kapxhiu/

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Kërkoi hetime për vrasjen e Faton Hajrizit dhe arratisjet nga burgjet, ministrja e Drejtësisë merret në pyetje nga Prokuroria Speciale

Kërkoi hetime për vrasjen e Faton Hajrizit dhe arratisjet nga burgjet, ministrja e Drejtësisë merret në pyetje nga Prokuroria Speciale

22 Korrik, 17:31