POP 5

Lajmet më të lexuara të 5 minutave të fundit

Sport

Interi përmbys Parmën/ OK Atalanta e Napoli, Real shkëputet (VIDEO-Golat)

Ekipet e mëdha nuk gabojnë në javën e 28-të të Serisë A. Interi fitoi me përmbysje ndaj Parmës ndërsa Milani mundi Romën. Tre pikët i siguruan edhe Atalanta e Napoli. Ndërsa Real Madrid merr i vetëm kryesimin në La Liga me dy pikë më shumë se Barcelona.

Nëse për të “luftuar” me Juventusin për titullin kampion diferenca prej 8 pikësh e bën të vështirë Interi të paktën blindon zonën Champions. Zikaltërit dhuruan mbrëmë një tjetër paraqitje të “çmendur” duke fituar me përmbysje në Parma 2-1 me golat e shënuar nga mbrojtësit De Vrij dhe Bastoni. Të dy golat erdhën me kokë në harkun kohor të tre minutave 84 dhe 87-të. Parma kishte marrë avantazhin që në minutën e 15-të me Gervinho por që nuk mjaftoi.

Atalanta nuk di të ndalet dhe arrin fitoren e gjashtë radhazi në Serinë A duke mposhtur 3-2 në transfertë Udinesen. Në pjesën e parë shënoi Duvan Zapata ndërsa në fraksionin e dytë Luis Muriel shënon një dygolësh spektakolar në minutat 71 e 79-të. Dy golat e Kevin Lasagna nuk i vlejtën për asgjë Udineses.

Edhe Napoli di vetëm të fitojë.Mertens, Callejon dhe Younes ishin autorët e golave në fitoren 3-1 ndaj Spal në stadiumin “San Paolo”.Zona Champions është pak larg por vendi i pestë që të dërgon direkt në grupet e Europa League për skuadrën e Gattuso është vetëm një fitore larg.

Në shina për një vend në Europë mbetet edhe Milani.Kuqezinjtë mposhtën Romën në “San Siro” falë dy golave të shënuar në 15 minutat e fundit me autorë Rebic e Calhanoglu. Verdhekuqtë i largohen zonës Champions ndërsa Milani është më pranë vendeve të Europë League.

Në La Liga Real Madrid mundi 1-0 Espanyolin në transfertë dhe shkëputet me dy pikë nga Barcelona e vendit të dytë. Benzema dhuroi spektakël tek goli i fitores shënuar nga Casemiro./ Përgatiti Andi Kapxhiu.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23