Intervista / Floranda Noka: Si
e ktheva pasionin në profesion

TIRANE- Sot, tregu i punës në degën që diplomohesh sa vjen dhe bëhet më i vështirë. Madje jetojmë në kohën ku të gjithë thonë se, nëse ke një vend pune në profesion je me fat. Për Florandën ose siç e njohin të gjithë Lola Pop ka ndodhur e kundërta, ajo është me fat pasi ka mundur që pasionin e saj ta kthej në profesion, ndërsa shkollën që ajo ka investuar ta vendos në shërbim të një nisme të gjetur.

Kjo është 23-vjeçarja me origjinë nga Kukësi, e cila edhe pse është diplomuar në Fakultetin e Ekonomikut sot ajo i ka dhënë jetë Pop Eventit, ku pas tyre fshihen dhe një ekip i madh të rinjsh që ndryshojnë jetën jo vetëm fëmijëve në ditëlindje apo evente, por dhe atyre fëmijëve që vuajnë nga sëmundje të rënda apo fëmijëve jetim. “Ajo është një shkollë e cila po i jep provat në këtë punë që kam marrë përsipër e vetme ta administroj”, tregon Lola. Në këtë rrëfim ajo ndalet edhe tek pasioni i saj, ku e cilëson të tillë. “Fotografi në do ta përkufozoja thjesht, frymëmarrje artistike në përditshmërinë time. U bë tashmë mbi 6 vite që e mbaj si pasion të kthyer në profesion”, thekson Lola.