Intervista/ Guro Zeneli: Ramizi ka
thënë se Berisha ishte njeri i UDB-së

Në pjesën e tretë dhe të fundit, Guro Zeneli, ish-sekretari i Ramiz Alisë thotë se Beogradi kishte në Shqipëri Berishën, që u bë President. Ai flet për arrestimin e ish-presidentit, prerjen në besë nga Berisha dhe dënimin e tij dy herë për akuza absurde, duke i futur në qeli bashkë me byroistët e tjerë por dhe kreun e asaj kohe të PS, Fatos Nano, ku burimi i tyre cilësohet politik dhe nga ndërkombëtarët. Ndërsa ndahet nga jeta, asnjë fjalë nga Berisha dhe asnjë ceremoni mortore si ish-president.
 
Si u përjetua ardhja e Berishës në krye të PD, më vonë president?
Ishte caktuar Sali Berisha për i Parë, i rekomanduar nga Rajersoni, që do të vinte dhe ambasador në Tiranë, se Rajersoni ishte komandant i grupeve të emigracionit në Beograd, i cili rekomandoi Sali Berishën si të parë për Kryetar të PD, në Tiranë, madje dhe President të Shqipërisë. Dhe ishin të preferuar dhe ata që kishin njerëz të lidhur në Amerikë, në Gjermani, Greqi, lidhur me asfalinë greke, bashkë dhe me të tjerë shqiptarë, që kishin lidhje matanë. Por dihej se në Vuçidol kishte një pikë që kishte lidhje me Beogradin, një djalë nga ajo anë...! Që mori drejtimin e PD dhe të vendit për shumë e shumë vite....!